Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
APODIKTÍK,~E mb., drejt. I pakundërshtueshëm, i pakthyeshëm; i domosdoshëm. Gjykim apodiktik. Vendim apodiktik. Urdhër apodiktik.
FUNDËSÍ,~A f. sh. ~, ~TË Gjendje, fakt a përshtypje e të qenët i fundmë e i pakthyeshëm. Fundësia e jetës.
PADIKTIMÚESH/ËM (i), ~ME (e) mb., drejt. Që nuk i nënshtrohet ankesës; i pakthyeshëm. Vendimi i padiktimueshëm i gjykatës së apelit.
PAKTHYESHMËRÍ,~A f. Të qenët i pakthyeshëm; vetia e diçkaje që është e pakthyeshme. Pakthyeshmëri në reforma. Rrënim deri në pakthyeshmëri.
PAKTHÝESHËM ndajf. Në mënyrë të pakthyeshme. Koha rrjedh pakthyeshëm. E fitoi pakthyeshëm lirinë e pavarësinë.
PAKTHÝESH/ËM (i), ~ME (e) mb. Që nuk mund të kthehet më; kund. i kthyeshëm. Dorëheqje e pakthyeshme. Vendim i pakthyeshëm. Proces i pakthyeshëm. Moment i pakthyeshëm. Valutë e pakthyeshme. Financim i pakthyeshëm (fin.).
PANDRYSHÚESH/ËM (i), ~ME (e) mb. 1. Që nuk mund të ndryshojë; që nuk ndryshon, që mbetet ashtu siç është, i qëndrueshëm; kund. i ndryshueshëm. Nen (ligj, paragraf) i pandryshueshëm. Kushte të pandryshueshme. Parim i pandryshueshëm. Temperaturë e pandryshueshme. Sasi e pandryshueshme.
2. gjuh. Që nuk merr trajta të ndryshme gramatikore, që nuk lakohet a nuk zgjedhohet; kund. i ndryshueshëm (për disa pjesë të ligjëratës). Pjesët e pandryshueshme të ligjëratës.
✱Sin.: i palëvizshëm, i patundshëm i qëndrueshëm, i patjetërsueshëm, i ngurtë, i paapelueshëm, i pandërrueshëm, i pakthyeshëm, i vijueshëm, i palakueshëm, i paeptueshëm, i pandjeshëm.
PAPRAPËSÚESH/ËM (i), ~ME (e) mb. Që nuk është i prapësueshëm; i pakundërshtueshëm, i pakthyeshëm; kund. i prapësueshëm. Nxënësi duhet të dallojë një reaksion të prapësueshëm nga një reaksion i paprapësueshëm (kim.).
✱Sin.: i pakundërshtueshëm, i pakthyeshëm.
PAPËRKÚLSH/ËM (i), ~ME (e) mb. 1. Që nuk mund të lakohet ose të marrë trajta të ndryshme, që thyhet a këputet po të përkulet, i paepshëm; kund. i përkulshëm. Tel i papërkulshëm. Dru i papërkulshëm.
2. fig. Që nuk thyhet para kërcënimeve, forcës a lutjeve të dikujt; që nuk dorëzohet a nuk gjunjëzohet përpara vështirësive, pengesave etj.; që është karakteristik për një njeri të tillë; i paepur, i pathyeshëm; kund. i përkulshëm. Popull (komb) i papërkulshëm. Luftëtare e papërkulshme. Qëndrim i papërkulshëm. Me shpirt të papërkulshëm.
✱Sin.: i palakueshëm, i paepshëm, i papërthyeshëm, i pathyeshëm, i papërkulur, i paepur, i pakthyeshëm, thepak, ujk, thi, derr, kockëfortë, i pagjunjëzueshëm, zemërhekur, i palëkundshëm, i fortë, i hekurt.
PËRFUNDIMTÁR,~E mb. 1. Që bëhet në mbarim të diçkaje, që nxirret në fund; që i jep fund diçkaje, që mbyll diçka; i fundit, i përfundimit. Provimet përfundimtare. Notat përfundimtare. Rezultatet përfundimtare të zgjedhjeve vendore (të zgjedhjeve politike).
2. Që ka arritur shkallën e duhur të përpunimit për kërkesat që shtrohen; që nuk ka nevojë për një kohë për ndryshime të mëtejshme. Tekst përfundimtar. Varianti përfundimtar i një vepre.
3. Që është i fundit, që s’ka tjetër; që bëhet përfundimisht; që arrihet një herë e përgjithnjë; që bëhet në mënyrë të plotë, të gjithanshme dhe të përsosur, që i jep zgjidhje diçkaje në mënyrë të plotë. Zgjidhje përfundimtare. Përgjigje përfundimtare. Mendim (vendim) përfundimtar.
✱Sin.: i fundit, i fundmë, i përfundshëm, i përfunduar, definitiv, final, i paapelueshëm, i pakthyeshëm, vendimtar, i mbaruar, i plotë, i gjithanshëm, i përsosur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë