Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
HÁMSH,~I m. sh. ~A, ~AT 1. Hamshor.
2. fig. Djalë beqar që nuk i përmban ndjenjat, që është i pakontrolluar dhe i harbuar pas femrave.
3. si mb. I ngjashëm me hamshorin; i papërmbajtur. Burrë hamsh. Nëpër fshat, djemtë hamsh nuk duroheshin.
4. si ndajf. Në mënyrë të papërmbajtur, të pakontrolluar, pa frena. Endeshin hamsh nëpër rrugë.
5. si pasth. Përdoret për të ndjellë kalin hamshor.
✱Sin.: hamshor, hajger, harmozi; i papërmbajtur.
HARLÍSSHËM ndajf. Në mënyrë të harlisur, të papërmbajtur, të pakontrolluar ose të shfrenuar. Ecën harlisshëm. Rritet harlisshëm.
HISTEROMANÍ,~A f. Prirje e tepruar, obsesive ose e pakontrolluar ndaj sjelljeve histerike; formë maniake e histerisë.
INONDÁT/Ë,~A f. sh. ~E, ~ET 1. Vërshim i një lumi etj. dhe përmbytja që ai shkakton.
2. fig. Vërshim me vrull e valë-valë, vërsulje e pakontrolluar, derdhje turma-turma. Për këtë inondatë të pafre, u shfrytëzua në mënyrë spekulative dëshira e kahershme dhe e përhershme e prindit shqiptar për t’u dhënë fëmijëve shkollim të lartë.
LOBÍZ/ËM,~MI m. Praktikë lobimi; veprimtari e organizuar për të ndikuar, zakonisht mbi vendimmarrësit, për të mbështetur dikë a diçka. Lobizëm strategjik. Lobizëm i paligjshëm. Lobizëm politik strategji dhe praktika e përdorur për të ndikuar në politikat dhe vendimet e autoriteteve publike. Analistët paralajmërojnë se lobizmi i pakontrolluar mund të deformojë procesin demokratik.
LUBÍSHËM ndajf., fig. Në mënyrë të stuhishme, rrëmbyeshëm, me intensitet të lartë ose në një formë të pakontrolluar. Ai foli lubishëm, duke shprehur zemërimin e tij në mënyrë të fortë.
NARKOLEPSÍ,~A f., mjek. Sëmundje kronike neurologjike që karakterizohet nga një nevojë e papërmbajtur për gjumë, në periudha të caktuara, simptoma e së cilës është gjumi i pakontrolluar.
NEOPLÁZ/ËM,~MA f. sh. ~MA, ~MAT mjek. Rritje e re dhe jonormale e indeve, ku shumëzimi i qelizave është i vazhdueshëm dhe i pakontrolluar. Organizimi strukturor dhe funksioni i neoplazmës ndryshojnë nga indi normal që e rrethon. Neoplazmë pulmonare.
PAKONTROLLÚAR (i, e) mb. 1. Që nuk i është nënshtruar kontrollit; që bëhet jashtë çdo kontrolli; kund. i kontrolluar. Punë e pakontrolluar. Veprimtari e pakontrolluar.
2. Që thuhet a bëhet pa e peshuar mirë, që nuk është menduar mirë që më përpara, i papeshuar; kund. i kontrolluar. Fjalë (shprehje) e pakontrolluar. Veprim i pakontrolluar.
✱Sin.: i pamenduar, i pamatur, i papeshuar.
PAMÁTUR (i, e) mb. 1. Që nuk është matur (nga madhësia, vëllimi a përmasat). Rrugë (punë) e pamatur.
2. fig. Që nuk e peshon mirë diçka para se ta bëjë a ta thotë, që rrëmbehet në veprime e në gjykime, i nxituar, i rrëmbyer; kund. i matur. Djalë i pamatur.
3. fig. Që nuk është peshuar mirë që më parë, që nuk është menduar e rrahur me pjekuri para se të bëhet a të thuhet, i nxituar, i rrëmbyer; kund. i matur. Hap (veprim) i pa matur. Fjalë e pamatur. Qëndrim (vendim) i pamatur.
4. Shumë i madh, i pamasë. Forcë e pamatur. Ndihmë e pamatur.
✱Sin.: i nxituar, i ngutur, i rrëmbyer, i rrëmbyeshëm, i papeshë, i pamasë, i pamenduar, i papeshuar, i pakontrolluar, i paarsyeshëm, i pamatë, i paskaj, i pakufi.
PAMENDÚAR (i, e) mb. Që nuk është menduar a nuk është peshuar mirë që më përpara, i nxituar; kund. i menduar. Punë (vepër) e pamenduar. Veprime të pamenduara. Fjalë e pamenduar. Hap i pamenduar.
✱Sin.: i papeshuar, i pamatur, i pakontrolluar, i ngutur, i pamend, i rrëmbyer, i papjekur, i nxituar, i cekët.
PAPESHÚAR (i, e) mb. 1. Që nuk është i peshuar (për një mall etj.); që nuk është peshuar; kund. i peshuar. Mall i papeshuar. E mori në dorëzim të papeshuar.
2. fig. Që bëhet pa u menduar mirë e thellë, që nuk është shoshitur me kujdes e pjekuri; i pamenduar, i pamatur; kund. i peshuar. Fjalë (veprime) të papeshuara. Hap i papeshuar.
✱Sin.: i pamenduar, i pamatur, i pakontrolluar, i pashoshitur, i pastudiuar, i nxituar, i rrëmbyer, i papjekur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë