Fjalori

Rezultate në përkufizime për “pakësohem”

Mëso si ta përdorësh
<<< Kthehu te kërkimi kryesor në fjalor

ATROFIZOHEM

►ATROFIZ/ÓHEM jovep., ~ÓVA (u), ~ÚAR vetv. 1. biol., mjek., vet. v. III Dobësohet, rrëgjohet, thahet dhe mpihet për shkak të mungesës së ushqimit, mosqarkullimit të gjakut, mosfunksionimit për një kohë të gjatë të një organi a të një indi të organizmit ose plakjes. Atrofizohen muskujt. Atrofizohet dora. Iu atrofizua truri.
2. fig., libr. Humb vetitë a cilësitë e mira, më dobësohen a më pakësohen aftësitë krijuese. I atrofizohet frymëzimi. Iu atrofizuan aftësitë.
✱Sin.: dobësohem, ligështohem, rrëgjohem, zvogëlohem, pakësohem, humbas, tkurrem, mpihem, venitem, vyshkem.

PAKOHEM

►PAK/ÓHEM jovep., ~ÓVA (u), ~ÚAR 1. vetv. Pakësohem.
2. vetv. Bëhem më i paktë nga trupi, rrëgjohem, ligështohem. Është pakuar shumë.
3. pës. e PAKÓJ. Plaku u pakua nga fatkeqësia që i ra.

SHTOHEM

►SHTÓHEM jovep., SHTÓVA (u), ~SHTUAR 1. vetv. Rritem nga numri, bëhem më shumë sesa jam, shumohem; kund. pakësohem. Shtohen radhët e ushtrisë. Shtohet popullsia. Janë shtuar gratë mjeke. Shtohet numri i nxënësve. Shtohen shtëpitë e reja (fabrikat, uzinat).
2. vetv. Shumëzohet duke u riprodhuar (për qeniet e gjalla). U shtuam në shtëpi më lindi edhe një fëmijë. Jemi shtuar shumë. U shtofshi e u shumofshi! ur. Derrat shtohen shpejt. Shpendët shtohen me vezë. Si shtohen peshqit?
3. vetv., vet. v. III I rritet vëllimi a i zmadhohet sasia diçkaje; bëhet më i madh, zmadhohet. Shtohet prodhimi (puna, eksporti). U shtohen fitimet. I shtohej kapitali. Iu shtua rroga.
4. vetv., vet. v. III Bëhet më i fortë, përforcohet; rritet (një veprim, një ndjenjë, një veti a një cilësi). I shtohet shpejtësia. I është shtuar bukuria. Më shtohet gëzimi (dashuria, hidhërimi). I është shtuar oreksi.
5. pës. e SHTOJ.
♦ Iu shtua *oreksi (për diçka).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë