Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ÁMSH/ËM (i), ~ME (e)I mb. 1. Që është i pavdekshëm. Perëndi e pavdekshme. Shpirt i pavdekshëm.
2. fig. I pavdekshëm, i paharrueshëm; që nuk harrohet kurrë; që mbahet mend përgjithmonë për ç’ka bërë. Kujtime të amshme. Dashuri e amshme. Vepra të amshme. Heronj të amshëm në historinë e atdheut. Pushon në paqen e amshme. Dashuria e nënës është e amshme.
✱Sin.: i amshueshëm, i pavdekshëm, i përjetshëm, i pamortshëm, i pashuar, amshor.
PAHARRUESHMËRÍ,~A f. Të qenët i paharrueshëm; vetia e diçkaje që është e paharrueshme; kund. i harrueshmëri.
PAHARRÚESH/ËM (i), ~ME (e) mb. Që mbahet mend përgjithnjë; që nuk mund të harrohet; kund. i harrueshëm. Ngjarje (ditë ditëlindje) të paharrueshme. Takim i paharrueshëm. Përshtypje të paharrueshme. Kujtim i paharrueshëm.
✱Sin.: i paharruar, i pashlyeshëm, i pashlyer, i kujtueshëm.
PASHLÝER (i, e) mb. 1. Që nuk është shlyer (për një borxh a detyrim); kund. i shlyer. Borxh (detyrim) i pashlyer. Hua e pashlyer. Pjesa e pashlyer e kreditit.
2. fig. Që ka mbetur a që ruhet i gjallë, që nuk është fshirë a nuk është harruar; i pashlyeshëm. Ndjenja të pashlyera. Gjurmë të pashlyera. La përshtypje (mbresa) të pashlyera. Kujtim i pashlyer.
✱Sin.: i papaguar, i palarë, i pambuluar, i paharruar, i gjallë, i pashlyeshëm i pakthyer, i paharrueshëm.
PASHLÝESH/ËM (i), ~ME (e) mb. 1. Që nuk mund të hiqet, të fshihet a të lahet (për një njollë etj.); kund. i shlyeshëm. Njollë e pashlyeshme. Shenjë e pashlyeshme (e plagës).
2. Që nuk mund të shlyhet (për një borxh a detyrim). Borxh (detyrim) i pashlyeshëm. Shumë e pashlyeshme.
3. Që s’mund të lihet në heshtje a mënjanë, që s’mund të mohohet; kund. i shlyeshëm. Dëshmi të pashlyeshme.
4. Që është tepër i rëndë e nuk mund të lahet me punë, me sjellje të mirë a me ndonjë mënyrë tjetër, që mbetet si njollë përgjithnjë. Faj i pashlyeshëm. Turp i pashlyeshëm.
5. fig. Që mbetet i gjallë në kujtesë për një kohë të gjatë, që nuk mund të harrohet, që nuk mund të hiqet nga mendja, nga zemra etj.; i paharrueshëm; kund. i shlyeshëm, i harrueshëm. Ndjenja të pashlyeshme. La përshtypje (mbresa, gjurmë) të pashlyeshme. Kam kujtime të pashlyeshme.
✱Sin.: i pashlyer, i paharrueshëm, i gjallë.
PAVDEKSHMËRÍ,~A f. 1. Të qenët i pavdekshëm; kund. vdekshmëri. Pavdekshmëria e popullit. Beson në pavdekshmërinë e shpirtit.
2. Të qenët i përjetshëm; të qenët i paharrueshëm; të qenët i përjetshëm. Pavdekshmëria e popullit. Pavdekshmëria mund të bëhet një agoni e përjetshme. (fj. u.).
✱Sin.: pavdekësi, pavdekuri, përjetësi, pavdirshmëri.
PAVDÉKSH/ËM (i), ~ME (e) mb. 1. Që jeton, që s’vdes kurrë; kund. i vdekshëm. Shpirti i pavdekshëm. Njeriu s’është i pavdekshëm.
2. Që ruhet përgjithmonë, që nuk shlyhet nga kujtimet kurrë; i përjetshëm. Vepër e pavdekshme. U bë i pavdekshëm.
✱Sin.: i përjetshëm, i pamort, i pavdirë, jetëgjatë, i rrojtshëm, i pashlyeshëm, i paharrueshëm.
SHËNÚESH/ËM (i) ~ME (e) mb. 1. Që është i madh, i rëndësishëm; që shquhet, që bie në sy, që meriton të merret në konsideratë. Rezultate të shënueshme. Vlera të shënueshme. Ndryshime të shënueshme. Përkrahje e shënueshme. Tipare të shënueshme. Në mënyrë të shënueshme.
2. Që është i shquar, i shënuar. Festa të shënueshme. Përvjetor i shënueshëm. Datë e shënueshme. Ngjarja më e shënueshme e kombit.
✱Sin.: i shënuar, i paharrueshëm, i përmendur, i kujtueshëm, domethënës, i rëndësishëm.
SPONTANITÉT,~I m. sh. ~E, ~ET Të qenët i vetvetishëm, spontan; punë a ngjarje që bëhet vetvetiu, pa ndërhyrjen e njeriut, pa organizim të ndërgjegjshëm. Spontaniteti i tij në interpretim e bëri koncertin të veçantë dhe të paharrueshëm për të gjithë publikun. Një bisedë e rastësishme dhe me shumë spontanitet e forcoi lidhjen mes tyre.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë