Fjalori

Rezultate në përkufizime për “pagues”

Mëso si ta përdorësh
<<< Kthehu te kërkimi kryesor në fjalor

LIKUIDATOR

LIKUIDATÓR,~I m. sh. ~Ë, ~ËT libr. 1. Shlyes, ai që bën likuidimin, ai që shlyen borxhet. Kjo shkresë nënshkruhet nga likuidatori dhe personat përgjegjës. Pjesa e mbetur e të dhënave i kthehen likuidatorit.
2. Ai që zhduk a asgjëson dikë a diçka; zhdukës, asgjësues.
3. si mb. Sipas kuptimeve të emrit. Ç’janë këto terma likuidatore, ekstremiste?
✱Sin.: shlyes, pagues, zhdukës, eliminues, asgjësues.

MOSPAGUES

MOSPAGÚES,~E mb. Që nuk paguan për dikë a për diçka; kund. pagues. Subjektet mospaguese.

MOSPAGUES

MOSPAGÚES,~I m. sh. ~, ~IT Ai që nuk paguan për dikë a për diçka; kund. pagues. Një mospagues taksash.

PAGATOR

PAGATÓR,~I m. sh. ~Ë, ~ËT Ai që u ndan pagat punëtorëve a nëpunësve, pagues.

ÇRREGULLT

ÇRRÉGULLT (i, e) mb. 1. Që nuk ka rregull, që është në rrëmujë; i parregullt; kund. i rregullt. Shtëpi e çrregullt. Në mënyrë të çrregullt. Qarkullimi rrugor në qytet është pak i çrregullt.
2. Që i ka pjesët ose përmasat në përpjesëtim të zhdrejtë; që nuk është i ndërtuar sipas një rendi, një rregulli a simetrie; kund. i rregullt. Tipare të çrregullta. Trup i çrregullt. Figurë e çrregullt. Dhëmbë të çrregullt. Gjashtëkëndësh i çrregullt. Ca gjëra të zeza të çrregullta.
3. Që bëhet me ndërprerje të ndryshme në kohë dhe pa një rregull të caktuar; që zhvillohet ose punon me lëkundje e me ndryshime; kund. i rregullt. Frymëmarrje e çrregullt. Rrahje e çrregullt e zemrës. Hap i çrregullt. Kontrolle të çrregullta. Lëvizje e çrregullt. Zhvillim i çrregullt. Filluan të qëllonin në mënyrë të çrregullt.
4. Që shkel normat dhe rregullat e pranuara, i parregullt; kund. i rregullt. Veprim i çrregullt. Sjellje e çrregullt. Gol i çrregullt. Gjuajtje (goditje) e çrregullt.
5. Që nuk mban rregull në jetën e përditshme, në punë, në veshje etj., që nuk e kryen rregullisht diçka; kund. i rregullt. Njeri i çrregullt. Nxënës i çrregullt. Punonjës i çrregullt. Pagues i çrregullt. Jetë e çrregullt. Një nga anëtarët më të çrregullt të organizatës.
✱Sin.: i parregullt, i shpërpjesëtuar, i çorganizuar, i çrregullshëm, i çrregulluar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë