Fjalori

Rezultate në përkufizime për “pagjunjëzuar”

Mëso si ta përdorësh
<<< Kthehu te kërkimi kryesor në fjalor

BALLËKRENAR

BALLËKRENÁR,~E mb., poet. 1. Që e mban ballin lart; që mbron me këmbëngulje nderin e dinjitetin e vet; krenar, ballëçelur, kryelartë. Kjo e bëri ballëkrenar.
2. fig. Që nuk thyhet para kërcënimeve të dikujt, para vështirësive etj., i paepshëm, i pathyeshëm, i papërkulur. Luftëtarë ballëkrenarë. Nënë ballëkrenare.
✱Sin.: krenar, ballëçelur, ballëlartë, kryelartë, ngadhënjimtar, qëndresëtar, i paepur, i pamposhtur, i pathyeshëm, i papërkulur, i pagjunjëzuar.

PAGJUNJËZUAR

PAGJUNJËZÚAR (i, e) mb. Që nuk është gjunjëzuar nga askush; që nuk përulet përpara forcës së dikujt, që nuk mposhtet, i pamposhtur, i panënshtruar, i paepur, i pagjunjëzueshëm; kund. i gjunjëzuar. Popull i pagjunjëzuar.
✱Sin.: i papërkulur, i panënshtruar, i pamposhtur, i paepur, i pakërrusur.

PAGJUNJËZUESHËM

PAGJUNJËZÚESH/ËM (i), ~ME (e) mb. Që nuk gjunjëzohet, i panënshtrueshëm, i pamposhtshëm; kund. i gjunjëzueshëm.
✱Sin.: i pagjunjëzuar, i papërkulshëm, i panënshtrueshëm, i pamposhtshëm.

PAKËRRUSUR

PAKËRRÚSUR (i, e) mb. 1. Që nuk është kërrusur, që nuk i ka dalë kurrizi; që mbahet drejt (për trupin); kund. i kërrusur. Plak i pakërrusur. Me trup të pakërrusur.
2. fig. I papërkulur, i panënshtruar, i pagjunjëzuar.
✱Sin.: i papërkulur, shtatdrejtë, trupdrejtë, i papërkulur, i panënshtruar, i pagjunjëzuar.

PAMPOSHTUR

PAMPÓSHTUR (i, e) mb. 1. Që nuk është mposhtur ndonjëherë, që nuk ka mundur askush ta mposhtë e ta nënshtrojë; që ecën përpara ngadhënjimtar; kund. i mposhtur. Vend (popull) i pamposhtur. Kështjellë e pamposhtur.
2. I pamposhtshëm. Vullnet i pamposhtur. Dëshirë e pamposhtur.
✱Sin.: i panënshtruar, i pagjunjëzuar, granit, i pamposhtshëm, i papërkulur, i pathyer.

PANËNSHTRUAR

PANËNSHTRÚAR (i, e) mb. 1. Që nuk i është nënshtruar askujt, i pamposhtur; i lirë, i pavarur, jo i nënshtruar; kund. i nënshtruar. Vend i panënshtruar. Fise të panënshtruara.
2. Që nuk bindet, që nuk përulet para vullnetit të dikujt, i papërulur; i panënshtrueshëm; kund. i nënshtruar. Njeri i panënshtruar.
✱Sin.: i pamposhtur, i pamposhtshëm, i pagjunjëzuar, i papërkulur, i papërulur, i pashtruar, i pakërrusur, rebel, i panënshtrueshëm, i lirë, i pavarur.

PAPËRKULUR

PAPËRKÚLUR (i, e) mb. 1. I drejtë, i palakuar, që nuk është përkulur; kund. i përkulur. Me trup të papërkulur.
2. fig. Që nuk është thyer, që nuk është përulur e nënshtruar asnjëherë. Popull i papërkulur.
3. fig. I papërkulshëm. Njeri i papërkulur. Me vullnet të papërkulur. Me shpirt të papërkulur.
✱Sin.: i palakuar, i pakthyer, i pakërrusur, i paepur, i papërulur, i pagjunjëzuar, i papërkulshëm.

PAPËRULUR

PAPËRÚLUR (i, e) mb. Që nuk është i përulur; kund. i përulur. Njeri i papërulur.
✱Sin.: i papërkulur, i panënshtruar, i pagjunjëzuar.

PAULUR

PAÚLUR (i, e) mb. Që nuk ulet; që nuk përulet; i panënshtruar, i papërulur, i papërkulur; kund. i ulur.
✱Sin.: i panënshtruar, i papërulur, i papërkulur, i pagjunjëzuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë