Fjalori

Rezultate në përkufizime për “pagjuhë”

Mëso si ta përdorësh
<<< Kthehu te kërkimi kryesor në fjalor

BUZËKYÇUR

BUZËKÝÇUR mb. 1. I heshtur, gojëmbyllur, që nuk flet fare, që s’e hap gojën. Rrinte e qetë dhe ishte buzëkyçur.
2. Gojëkyçur, që nuk nxjerr të fshehtë nga goja, pus i thellë. Dëshmitarë buzëkyçur.
3. fig. I dëshpëruar, i pikëlluar. Ishte bërë buzëkyçur nga fatkeqësia.
✱Sin.: gojëkyçur, gojëmbyllur, gojëlidhur, gojëzënë, gojëqepur, gojëmbërthyer, gjuhëlidhur, i pafjalë, i pagjuhë, i heshtur.

PAFJALË

PAFJÁLË (i, e) mb. 1. Që flet pak, që është i kursyer në fjalë, fjalëpakë.
2. Që është i bindur e i dëgjueshëm, që nuk kthen fjalë; që nuk ka kërkesa të tepruara, kokulur. Djalë (punëtor) i pafjalë.
3. Që është i sjellshëm e me qëndrim të mirë moral. Vajzë e pafjalë.
4. libr. Që nuk flet, që nuk ka gjuhë, i pagjuhë (në kundërvënie me njeriun). Krijesë (qenie) e pa fjalë.
5. Që nuk përbëhet nga fjalët tingullore (për gjuhën). Gjuhë e pafjalë.
✱Sin.: fjalëpakë, i pagjuhë, i heshtur, gojëmbyllur, gojëkyçur, gojëlidhur, gjuhëlidhur, i bindur, i dëgjueshëm, kokulur, i papërfolur.

PAGJUHË

PAGJÚHË (i, e) mb. 1. Që i kanë prerë gjuhën; që është me gjuhë të prerë. Eunuk i pagjuhë.
2. fig. Që nuk flet. Qenie (krijesë) e pagjuhë.
3. fig. Që është i pafjalë. Djalë i pagjuhë.
✱Sin.: i pafjalë, fjalëpakë.

PALOQE

PALÓQE (i) mb. 1. Që nuk ka loqe, sepse ia kanë prerë etj. (për një burrë). Eunuk i pagjuhë dhe i paloqe.
2. fig. I paburrë. Burrë i paloqe.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë