Fjalori

Rezultate në përkufizime për “pagëzuar”

Mëso si ta përdorësh
<<< Kthehu te kërkimi kryesor në fjalor

ASHTUPAGËZUAR

ASHTUPAGËZÚAR (i, e) mb., edhe si em. Që është pagëzuar ashtu, që njihet me atë emër prej se ka lindur. Ai që është i ashtupagëzuar, mund të sjellë dëshminë e pagëzimit.

BAJMUAR

BAJMÚAR (i, e) mb. I pagëzuar. Fëmijë i bajmuar.

EMËRTUAR

EMËRTÚAR (i, e) mb. Që i është vënë një emër; që është emërtuar. Rruga e emërtuar me emrin e heroit. I përkasin asaj popullate të emërtuar arabike. Formësimi i strukturave të emërtuara kështu. Mënyra e paraqitjes së zhvillimit të veprimit të emërtuar nga folja.
✱Sin.: i quajtur, i thirrur, i emëruar, i pagëzuar, i titulluar.

EUKARISTI

EUKARISTÍ,~A f., fet. Rituali i darkës së shenjtë në krishterim që përkujton vdekjen dhe ringjalljen e Jezus Krishtit përmes marrjes së bukës dhe verës nga besimtarët e pagëzuar; kungatë. Kremtimi i misterit të eukaristisë. Të pranishëm në eukaristi. Eukaristia është dhuratë hyjnore.

PAGËZUAR

PAGËZÚAR (i, e)I mb., fet. Që ka bërë pagëzimin dhe ka marrë emrin sipas ritit fetar, i bekuar. Fëmijë i pagëzuar.

PAGËZUAR

PAGËZÚAR (i, e)II mb. Që nuk ka njohur gëzimet kryesore në jetë; kund. i gëzuar. Shkoi (vdiq) i pagëzuar.
✱Sin.: fatkeq, i pafat, buzëpaqeshur, i hidhëruar.

SAPOPAGËZUAR

SAPOPAGËZÚAR (i, e) mb. Që sapo është pagëzuar, që është pagëzuar pak kohë më parë. Fëmijë i sapopagëzuar. Uruan për vajzën e sapopagëzuar. Dimali i sapopagëzuar mirëpret vizitorët.
✱Sin.: i porsapagëzuar, i posapagëzuar.

SAPOPAGËZUAR

SAPOPAGËZÚAR,~I (i) m. sh. ~, ~IT (të) Ai që sapo është pagëzuar, ai që është pagëzuar pak kohë më parë. Uruan për të sapopagëzuarin. Udhëzojnë prindërit e të sapopagëzuarve.
✱Sin.: i porsapagëzuar, i posapagëzuar.

SAPOPAGËZUAR

SAPOPAGËZÚAR,~A (e) f. sh. ~A, ~AT (të) Ajo që sapo është pagëzuar, ajo që është pagëzuar pak kohë më parë. Dhurata për të sapopagëzuarën. U bënë foto të sapopagëzuarave.
✱Sin.: e porsapagëzuar, e posapagëzuar.

SHENJTOR

SHENJTÓR,~I m. sh. ~Ë, ~ËT fet. 1. Ai që është shpallur shenjt. Emrat e shenjtorëve. Dyzet shenjtorët. U shpall shenjtor. Kalendari i shenjtorëve. Festa e gjithë shenjtorëve. Figura shenjtorësh.
2. fet. Një besimtar i krishterë i pagëzuar, anëtar i një kishe. Shenjtor i përkushtuar.

SHENJTORE

SHENJTÓR/E,~JA f. sh. ~E, ~ET 1. fet. Faltore, vend i shenjtë. Gërmimet arkeologjike kishin zbuluar themelet e një shenjtoreje. - Mos i dhunoni shenjtoret! Shenjtorja e të parit.
2. fet. Ajo që është shpallur e shenjtë, shenjtëreshë. Shenjtorja Nënë Tereza. Shenjtorja shqiptare.
3. fet. Një besimtare e krishterë e pagëzuar, anëtare e një kishe.
4. fig. Ajo që është simbol i mirësisë, i qetësisë, ajo që frymëzon. Fytyrë shenjtoreje. E zbehtë si shenjtore. Guxim prej shenjtoreje.
✱Sin.: faltore, tempull, kungë, kungore, hijerore, hyjnore, absidë, ajodhimë, hyjneshë.

VAFTISUR

VAFTISUR (i, e) mb. Që është vaftisur; i pagëzuar; i bekuar. Fëmijë i vaftisur.

VASTISUR

VASTÍSUR (i, e) mb. I pagëzuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë