Fjalori

Rezultate në përkufizime për “pafundësisht”

Mëso si ta përdorësh
<<< Kthehu te kërkimi kryesor në fjalor

AMSHUESHËM

AMSHÚESHËM ndajf. Përjetësisht, përgjithmonë, pafundësisht. Pushon amshueshëm në odeonin e tij.
✱Sin.: përgjithmonë, gjithmonshëm, gjithëjetshëm, përherë, përhershëm, përjetë, përjetshëm, përjetësisht, pavdekshëm, pavdekësisht, amshueshmërisht.

BUKUR

BÚKUR ndajf. 1. Në mënyrë të pëlqyeshme a të këndshme; me bukuri, hijshëm; kund. shëmtuar. Mirë e bukur. Vishet bukur. I rri bukur. Kërcen (luan) bukur. Shkruan (vizaton) bukur. Këndon bukur. I bie bukur (një vegle muzikore). Tingëllon bukur. Flet (lexon) bukur.
2. Shumë mirë, ashtu si duhet, mjaftueshëm. Ia punoi bukur. - Bukur e bëre!
3. bised., iron. Shumë keq, jo ashtu si duhet (përdoret me kuptim të kundërt nga ai që ka zakonisht kjo fjalë). Bukur, besa!
4. bised. Aq sa duhet, aq sa mjafton; shumë, mjaft, fort. Bukur i madh. Bukur i lartë. Bukur mirë. Bukur larg. Bukur thellë. Bukur vonë. I foli bukur rëndë. Dora e tij ishte bukur e regjur dhe e ashpër.
✱Sin.: hijshëm, bukuri, bukurazi, mrekulli, mirë, boll, goxha, sado, aq, mjaftueshëm, mjaft, fort, plot, lart, shumë, thellë, thellësisht, çuditërisht, pafundësisht, mrekullisht, jashtëzakonisht, derrçe, vendçe, fuqimisht, beter, tejet, tepër, së tepërmi, trashë, rëndë, alamet.

PAFUNDËSISHT

PAFUNDËSÍSHT ndajf. 1. Pa cak në hapësirë, në kohë ose si sasi, në mënyrë të pafundme.
2. Shumë, jashtëzakonisht. Pafundësisht i gjatë (i gjerë, i largët).
✱Sin.: pambarimisht, shumë, jashtëzakonisht.

PAMATËSISHT

PAMATËSÍSHT ndajf. 1. Pafundësisht. Ishte pamatësisht mirënjohës.
2. Shumë. Elemente pamatësisht të vogla.

PAMBARIMISHT

PAMBARIMÍSHT ndajf., libr. 1. Pa mbarim. Kohë pambarimisht e gjatë. Rritet (zgjatet) pambarimisht. Zmadhoj (zvogëloj) pambarimisht.
2. mat. Në mënyrë të pafundme; pafundësisht. Madhësi (gjatësi) pambarimisht e vogël. Shpejtësi pambarimisht e madhe.

PERIODIK

PERIODÍK,~E mb. 1. Që përsëritet rregullisht kohë pas kohe ose në periudha të caktuara, që bëhet herë pas here sipas një rregullsie. Lëkundje (lëvizje) periodike. Në mënyrë periodike. Dukuri periodike dukuri që përsëritet rregullisht në mënyrë të njëllojtë dhe në pjesë kohe të barabarta. Ligji periodik (kim.) ligji që shpreh vetitë e elementeve kimike dhe të përbërjeve të tyre sipas strukturës së atomeve. Sistemi periodik (i elementeve) (kim.) klasifikimi natyror i elementeve kimike që bazohet në ligjin periodik. Thyesë periodike (mat.) thyesë dhjetore e pafund, në të cilën një grup i njëjtë shifrash përsëritet pafundësisht.
2. Që botohet rregullisht në kohë të caktuar, që del pas çdo periudhe të njëjtë a të caktuar. Shtypi periodik (pub.) tërësia e gazetave, e revistave, e vjetarëve etj. Buletin periodik. Revistë periodike.

TEJSKAJSHMËRISHT

TEJSKAJSHMËRÍSHT ndajf. Në mënyrë të tejskajshme, në mënyrë të shfrenuar; jashtëzakonisht, pafundësisht. Politikë tejskajshmërisht e gabuar. U soll tejskajshmërisht keq.
✱Sin.: jashtëzakonisht, pafundësisht.

ZVARGUR

ZVÁRGUR (i, e) mb. 1. Që vijon më shumë se zakonisht, që zgjatet e zvarritet. Vajtim i zvargur. Këngë (muzikë) e zvargur. Jehonë e zvargur. Punë të zvargura. Mërmëroi me zë të zvargur. Me atë britmën e zvargur e të pikëllueshme “Dru me pre”. Tingujt e kambanës vinin vërdallë të ngadaltë e të zvargur.
2. Që shtrihet në një gjatësi të madhe, që zgjatet; që varet. Re të zvargura. Mjegull e zvargur. Me rroba të zvargura. Një rit i zvargur pafundësisht. Fryn prapë era me zë të zvargur e të hidhur. Kisha dëgjuar netëve rrëfime të tilla të zvargura. Ai i përfytyroi tek ecnin drejt tij me hapa të zvargur, si në ëndrrat e këqija.
✱Sin.: i shtrirë, i zvargur, i zvarritur, i varur, i lëshuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë