Fjalori

Rezultate në përkufizime për “padekompozuar”

Mëso si ta përdorësh
<<< Kthehu te kërkimi kryesor në fjalor

PADEKOMPOZUAR

PADEKOMPOZÚAR (i, e) mb. Që nuk është i dekompozuar, i paprishur, i pashpërbërë; kund. i dekopompozuar. Trupa të padekompozuar.
✱Sin.: i pashpërbërë, i paprishur, i pakalbur, i patretur.

PAKALBUR

PAKÁLBUR (i, e) mb. 1. Që nuk është kalbur (për pemë, ushqime etj.); kund. i kalbur.
2. Që nuk është tretur ende (për kufomën); kund. i kalbur. Mollë të pakalbura.
✱Sin.: i paprishur, i pakrimbur, i padekompozuar, i pashpërbërë, i patretur.

PAPRISHUR

PAPRÍSHUR (i, e) mb. 1. Që nuk është prishur, që është i pacenuar; i padëmtuar; kund. i prishur. Shtëpi e paprishur. Rrugë e paprishur.
2. Që është në rregull ashtu siç është lënë, që nuk është trazuar a nuk është prekur (për një dhomë, një shtrat etj.); kund. i prishur. Shtrat i paprishur. Dhoma ishte e paprishur.
3. Që nuk është kalbur, nuk ka marrë erë të keqe a nuk është thartuar, që është ruajtur në gjendje të mirë (për ushqimet); kund. i prishur. Qumësht i paprishur.
4. Që nuk ka nisur të shpërbëhet (për kufomën); kund. i prishur. Kufomë e paprishur.
5. euf. E virgjër; kund. i prishur.
✱Sin.: i padëmtuar, i pashkatërruar, sakllam, i pashpërbërë, i padekompozuar, i pakalbur, i patretur, i pathartuar, i pastër, i ruajtur, i pacenuar, i rregullt, i patrazuar, i paprekur, i virgjër.

PASHPËRBËRË

PASHPËRBË́RË (i, e) mb. Që nuk është i shpërbërë; i paprishur, i padekompozuar, i patretur; kund. i shpërbërë.
✱Sin.: i paprishur, i padekompozuar, i patretur, i pazbërthyer.

PATRETUR

PATRÉTUR (i, e) mb. 1. Që s’është tretur duke e zier a duke e ngrohur, i pashkrirë (për lëndë të ngurta); kund. i tretur. Gjalpë i patretur. Dyllë i patretur. Mbeti bora e patretur.
2. Që nuk është tretur në stomak; që nuk është përvetësuar nga organizmi (për lëndët ushqyese); kund. i tretur. I mbeti ushqimi i patretur.
3. Që s’është kalbur ende, që s’është prishur a që s’është tretur nga dheu (për një kufomë); kund. i tretur, i prishur. Trup i patretur. U gjend i patretur.
✱Sin.: i pashkrirë, i paprishur, i padekompozuar, i papërvetësuar, i pakalbur, i pashpërbërë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë