Fjalori

Rezultate në përkufizime për “pabrumë”

Mëso si ta përdorësh
<<< Kthehu te kërkimi kryesor në fjalor

PABRUMË

PABRÚMË (i, e) mb. 1. Që nuk është gatuar a nuk është zënë me brumë të thartë, i ndormë; kund. i mbrumë. Bukë e pabrumë. Kulaç i pabrumë.
2. fig., bised. Që nuk dallohet për aftësi mendore, i trashë.
3. Që nuk ka formim shkencor, arsimor etj., i paformuar.
✱Sin.: i ndormë, i pabukë, i trashë, i paformuar, i patharm, i kufizuar, punëthatë, i zbrazët.

PABUKË

PABÚKË (i, e) mb. 1. Që nuk ka mjete jetese, shumë i varfër, i këputur. Njerëz të pabukë.
2. Që nuk ka lidhur kokrra (për kallinjtë e drithërave); që nuk ka zënë thelb a tul, që është fyçkë përbrenda (për kokrrat e disa pemëve). Kalli i pabukë. Arrë e pabukë.
3. fig. Që nuk sjell fryte a përfundime me vlerë, i padobishëm, i pabulmet. Punë e pabukë. Mbledhje e pabukë.
4. fig. I paformuar, i trashë.
✱Sin.: i varfër, i pabukshëm, i këputur, zorrëpangopur, pabukës, i pabrumë, fyçkë, i patul, i pakokërr, i padobishëm, i pabulmet, i kufizuar, i paformuar, i trashë.

PAIDE

PAIDÉ (i, e) mb. Që i mungojnë idetë e thella a përparimtare. Vepër e paide.
✱Sin.: i zbrazët, i pabrumë.

PAKOKËRR

PAKÓKËRR (i, e) mb. 1. Që nuk ka kokrra, që nuk bën kokrra a fruta.
2. fig. I pavlerë, i papemë, i pabrumë.
✱Sin.: i pavlerë, i papemë, i pabrumë, i pabukë.

PUNËPADUKUR

PUNËPADÚKUR mb. Që nuk i duket puna, që nuk i ka duk puna. Grua punëpadukur.
✱Sin.: punëthatë, duartharë, pabrumë, i pabereqet, i pabukë.

PUNËTHATË

PUNËTHÁTË mb. Që punon pak dhe keq; që nuk i ka duk puna. Llafegjatë e punëthatë. (fj. u.).
✱Sin.: punëpadukur, duartharë, i pabrumë, i pabereqet.

PUNËZI

PUNË/ZÍ, ~ZÉZË mb. 1. I mjerë, fatkeq, fatzi; kund. punëbardhë.
2. Që nuk është i zoti për punë, i paaftë për punë, i plogët. Ç’e do, atë punëzi!
3. Punëkeq.
✱Sin.: i mjerë, i pafat, fatzi, fatkeq, i plogët, i shkretë, shkronjëzi, punëkeq, punëthatë, punëvdjerrë, punëlumë, i pabrumë, i pabereqet, i paaftë.

SHPËLARË

SHPËLÁRË (i, e) mb. 1. Që është shkuar në ujë të pastër për t'i hequr shkumën pas larjes; që është pastruar me ujë. Rrobat e shpëlara. Enët e shpëlara.
2. Që është zbehur, që nuk është më e fortë dhe e qartë; që është zbërdhulur (për ngjyrën). Ngjyrë (bojë) e shpëlarë.
3. fig., mospërf. Që është pa shije e pa kripë, që nuk të tërheq, që të lë të ftohtë, që nuk ka asgjë të veçantë e nuk të ngjall ndonjë ndjenjë; që nuk shpreh asgjë, i zbarët; që ka përmbajtje të dobët a të varfër, pa ndonjë vlerë të vërtetë e pa forcë ndikuese. Njeri i shpëlarë. Sy të shpëlarë. Zë i shpëlarë. Shaka (fraza) të shpëlara. Muhabet i shpëlarë. Vjersha të shpëlara. Pikturë (tablo) e shpëlarë.
4. spec. Që i janë marrë nga ujërat lëndët e nevojshme ushqyese, e varfër (për token). Toka të shpëlara.
5. bised., keq. I paturp, i pacipë, që as skuqet, as zverdhet. Është fare i shpëlarë.
✱ Sin.: i zbërdhulët, i zbardhur, i zbarët, i zbaritur, i pashijshëm, i pashije, i pakripë, bajat, i pakëndshëm, i palezetshëm, i palezet, i papëlqyeshëm, i palyrë, i mërzitshëm, jotërheqës, i ftohtë, i pandjenjë, i varfër, i paturp, i pacipë, i pafytyrë, i paturpshëm, i zbrazët, i paide, i pabrumë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë