Fjalori

Rezultate në përkufizime për “pabazuar”

Mëso si ta përdorësh
<<< Kthehu te kërkimi kryesor në fjalor

BAZUAR

BAZÚAR (i, e) mb. I mbështetur në arsye, në parime etj., i ndërtuar mbi një bazë të shëndoshë; i argumentuar, i arsyeshëm; kund. i pabazuar. Vendim i bazuar në ligj. Arsyetime të bazuara. Përfundim i bazuar. I bazuar plotësisht. Të bazuara në parime dhe institucione demokratike.
✱Sin.: i mbështetur, i argumentuar, i arsyeshëm.

NEGATIVIZËM

NEGATIVÍZ/ËM,~MI m. 1. Kundërshtim i pabazuar; prirje për të kundërshtuar; qëndrim mendor i karakterizuar nga skepticizmi, veçanërisht për pothuajse gjithçka që pohohet nga të tjerët; kund. pozitivizëm.
2. Tendencë refuzimi për të bërë diçka, tendencë për të bërë të kundërtën ose për të bërë diçka në kundërshtim me atë që kërkohet. Është i njohur për negativizmin e tij.

PABAZUESHËM

PABAZÚESH/ËM (i), ~ME (e) mb. Që nuk është i bazueshëm; i pabazuar.

PABAZË

PABÁZË (i, e) mb. I pabazuar, i pathemeltë, i pambështetur. Akuzë e pabazë. Vendim i pabazë. Arsyetim i pabazë.

PAMBËSHTETUR

PAMBËSHTÉTUR (i, e) mb. Që nuk është i mbështetur; që nuk është mbështetur; kund. i mbështetur. Akuzë e pambështetur. Ide të pambështetura. Mëtime (qëndrime) të pambështetura.
✱Sin.: i pabazuar, i pabazë, i paargumentuar.

PASHËNDOSHË

PASHËNDÓSHË (i, e) mb. 1. Që nuk është e shëndoshë; që nuk ka shëndet, i pashëndetshëm. Me trup të pashëndoshë.
2. fig. Që nuk është i arsyeshëm a i drejtë, që nuk mbështetet në fakte e prova; i pabazuar. Mendje e pashëndoshë.
3. fig. Që nuk është i qëndrueshëm a i pastër. Shoqëri e pashëndoshë.

PATHEMELTË

PATHEMÉLTË (i, e) mb. Që nuk është i mbështetur në të dhëna të vërteta a në argumente të shëndosha; që s’ka asnjë arsye të thuhet a të bëhet, që nuk motivohet. Lajme (njoftime, pohime) të pathemelta. Pikëpamje (mendime, gjykime, dyshime) të pathemelta. Kërkesa (arsye, vërejtje) të pathemelta. E quaj të pathemeltë.
✱Sin.: i pabazë, i pabazuar, i gënjeshtërt, i rremë, i pavend, i brishtë, i pavërtetë.

ZHVËRTETIM

ZHVËRTETÍM,~I m. Veprimi kur hedh poshtë si të pabazuar a si të gënjeshtërt një lajm, një njoftim, një vendim etj.; përgënjeshtrim; kund. vërtetim. Zhvërtetimi i lajmit (i vendimit).

ZHVËRTETOJ

ZHVËRTET/ÓJ vep., ~ÓVA, ~ÚAR libr., kal. Hedh poshtë si të pabazuar a si të gënjeshtërt një lajm, një njoftim, një pohim etj.; përgënjeshtroj; kund. vërtetoj. E zhvërtetoi lajmin (njoftimin). Fillimisht duhet zhvërtetuar vendimi i gjykatës.

ZHVËRTETUAR

ZHVËRTETÚAR (i, e) mb. Që është hedhur poshtë si i pabazuar a si i gënjeshtërt (për një lajm, njoftim, vendim etj.); i përgënjeshtruar; kund. i vërtetuar. Vendim (lajm) i zhvërtetuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë