Fjalori

Rezultate në përkufizime për “paautorizuar”

Mëso si ta përdorësh
<<< Kthehu te kërkimi kryesor në fjalor

ELEKTROSHOK

ELEKTROSHÓK,~U m. sh. ~Ë, ~ËT mjek. Goditje elektrike me voltazh të lartë kryesisht në tru që përdoret si trajtim mjekësor, por edhe për të shkaktuar dhimbje ose si mjet ekzekutimi. Si funksionon terapia me elektroshok. Elektroshoku kundër qelizave kancerogjene. Tortura me elektroshok, më e rënda që ka bërë regjimi. Elektroshoku konsiderohet armë dhe ndalohet shitja e paautorizuar e tij.

HAKEROJ

HAKER/ÓJ vep., ~ÓVA, ~ÚAR inf., kal. Ndërhyj në mënyrë të paautorizuar në sistemet kompjuterike për të dëmtuar të dhënat a për të vjedhur informacione. Sulmet kibernetike hakerojnë sistemin informativ shtetëror.

HAKERUES

HAKERÚES,~E mb., inf. Që është hakeruar, dëmtuar a vjedhur informacioni e të dhënat nga ndërhyrja e paautorizuar në sistemet kompjuterike; që është vjedhur a dëmtuar nga hakeruesi. Sulme hakeruese. Material hakerues. Mesazhe hakeruese. Grupe hakeruese.

HAKERUESHMËRI

HAKERÚESHMËRI,~A f. Të qenit i hakerueshëm; mundësia e hakerimit a ndëryrjes së paautorizuar në sistemet kompjuterike për të dëmtuar a vjedhur të dhënat ose informacionet. Sistemet e bankës kanë hakerueshmëri të vogël.

PAAUTORIZUAR

PAAUTORIZÚAR (i, e) mb. Që nuk është i autorizuar për të bërë diçka, për të përfaqësuar dikë etj. Person i paautorizuar.

TEJKALIM

TEJKALÍM,~I m. sh. ~E, ~ET 1. Kalim a kapërcim diçkaje (i masës, i normës, i afatit, i caqeve, i pritshmërisë); parakalim. Tejkalimi i normës. Tejkalim i masës. Tejkalimi i planit. Tejkalimi i automjeteve. Tejkalim i kompetencave. Tejkalim i shpejtësisë (së zërit).
2. Sasi e sendeve të prodhuara mbi planin, ajo që është bërë mbi parashikimet, mbi normat etj. Tejkalimet ditore. Tejkalimet e muajit. Tejkalim i diskrecionit (drejt.) ushtrim i paautorizuar i pushtetit nga një autoritet shtetëror që tejkalon kufizimet e parashikuara.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë