Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ABSTENÍM,~I m. sh. ~E, ~ET 1. Veprimi kur abstenoj ose kur abstenohet.
2. Mospjesëmarrje në një votim, në një vendim ose në një veprimtari të caktuar, duke zgjedhur të qëndroj i paanshëm ose i padeklaruar a i paangazhuar; të abstenuar. Abstenim i ligjshëm. Abstenimi i disa deputetëve. Zgjodhi abstenimin. E drejta e abstenimit nga votimi i jurisë. Abstenime s’ka.
3. Shmangie ose vetëpërmbajtje nga diçka që është dëmshme, e palejueshme ose e papëlqyeshme (si alkooli, duhani, droga, ushqimi dëmtues, sjellja e keqe etj.). Abstenim i plotë. Abstenim nga sheqeri (kafeja, pijet e gazuara etj.).
✱Sin.: vetëpërmbajtje, shmangie, mospjesëmarrje, paanshmëri, të abstenuar.
DRÉJT/Ë,~I (i) m. sh. ~Ë, ~ËT (të) Ai që vepron drejt, me paanshmëri dhe me ndershmëri; njeri i çiltër e me zemër të pastër. I drejti fiton. Haku i të drejtit. I drejti gjithmonë fiton. (fj.u.). I drejti e mund të shtrembrin. (fj. u.). Më mirë fshikulli i të drejtit se llokumja e të shtrembrit. (fj. u.). Pranë drurit të shtrembër, digjet dhe i drejti. (fj. u.).
LIGJZBATÚES,~I m. sh. ~, ~IT Ai që ka për detyrë zbatimin e ligjit; zyrtar shtetëror ose institucion që përgjigjet për vënien në veprim dhe zbatimin e ligjeve në praktikë. Me këto shkelje që po bëhen, ligjzbatuesit do vijnë shpejt. Në këtë rast, ligjzbatuesit treguan profesionalizëm dhe paanshmëri.
NDERSHMËRÍ,~A f. Cilësia e të qenët i ndershëm, të qenët i ndershëm, qëndrim moral i pastër; kund. pandershmëri, çndershmëri. Ndershmëria e trupit gjykues. Ndershmëria në punë. Punon me ndershmëri. Nuk dyshojmë në ndershmërinë e tij. Ndershmëria sjell sukses të vërtetë. Ndershmëria është virtyt.
✱Sin.: virtyt, nder, moral, pastërti, drejtësi, paanshmëri, paanësi, zemërbardhësi, besnikëri, shpirtdëlirësi, çiltërsi, çiltëri, fisnikëri.
PAANËSÍ,~A f. 1. Të qenët i paanshëm në vështrimin dhe vlerësimin e gjërave; qëndrim i drejtë dhe i paanshëm, që nuk ndikohet nga ndonjë paragjykim a paramendim; kund. anësi. Paanësi e plotë. E gjykoi (e vlerësoi) me paanësi.
2. Të qenët shumë i gjerë e i paanë, hapësira e paanë që na rrethon, pafundësi. Paanësia e gjithësisë. Paanësia e shkretëtirave. Humbet në paanësi.
✱Sin.: paanshmëri, paanësim, asnjanësi, asnjanshmëri, objektivitet, parimësi, pafundësi.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë