Fjalori

Rezultate në përkufizime për “paçelur”

Mëso si ta përdorësh
<<< Kthehu te kërkimi kryesor në fjalor

ANGJINARE

ANGJINÁR/E,~JA f. sh. ~E, ~ET bot. 1. (lat. Cynara scolymus) Bimë barishtore shumëvjeçare e viseve të ngrohta, me gjethe të mëdha të prera thellë, që njihet për sythat e saj të ngrënshëm, që mbillet për lulet si kokë me fletë të tulta, të cilat përdoren si ushqim dhe për të përgatitur pije, barna mjekimi etj.; lulja e paçelur e kësaj bime; artiçoka pa gjemba. Kokë angjinareje. Sallatë me angjinare. Angjinare kopshti.
2. Pjesë e parë e emërtimeve të pathjeshta për disa lloje angjinaresh: Angjinarja e egër (lat. Cynara cardunculus) koçani i egër. Angjinarja pa gjemba (lat. Cynara scolymus mutica) angjinare me sytha më të vegjël dhe më të ngjeshur se angjinarja e zakonshme, që përdoret në gatime, në mjekësi. Angjinarja e Jerusalemit (lat. Helianthus Tuberosus) bimë me kërcell si të lules së diellit, me rrënjë shumë të zhvilluar e me zhardhokë, të cilët hahen ose përdoren si ushqim për bagëtinë; molla e dheut, lulja e dhëndrit, lulja e gomarit, lulja e kalasë, sekulli i egër. Angjinarja kineze (lat. Stachys affinis, S. tuberifera) bimë barishtore shumëvjeçare me kërcell të drejtë leshator dhe e lartë 30-60 cm, me gjethe të gjelbra e të ashpra, në trajtë zemre, me lule dygjinore ngjyrëvjollcë në trajtë zileje me pesë lobe; artiçokja kineze.
✱Sin.: artiçok, engjinare, angjinidhe, hinardh, skallier, allme, luleverdhë, oreshkë, orashkë, arashkë, rrepë, sekullë, shallagonë.

BURBUQE

BURBÚQ/E,~JA f. sh. ~E, ~ET 1. Lule që s’ka çelur ende, sumbull luleje, gonxhe; syth i vogël i paçelur prej nga del lulja, gjethja ose filizi i bimës. Burbuqe trëndafili. Burbuqet e plepit. E bukur si burbuqe. Çel (lëshon) burbuqe. Shpërthejnë burbuqet. Gushën si zambaku, moj, / Buzët si burbuqe, moj. (folk.). O ju, moj lule, / Ju, moj burbuqe, / Disa të bardha, / Disa të kuqe. (folk.).
2. zool. Bukël1.
3. fig. Vajzë e bukur dhe e hijshme. U ngrita me natë, / Me sabahun e parë, / Arriti burbuqja, / Dhe më solli zjarrin. (folk.).

GONXHE

GÓNXH/E,~JA f. sh. ~E, ~ET Lule e paçelur, burbuqe. Gonxhe trëndafili (karafili). Gonxhet e kumbullës (e pjeshkës, e bajames). Çelën gonxhet. Është si gonxhe është e re, e bukur e plot shëndet (zakonisht për vajzat e për fëmijët).
✱Sin.: boçë, burbuqe, pupëz.

PAÇELSHËM

PAÇÉLSH/ËM (i), ~ME (e) mb., edhe fig. Që nuk mund të çelë, që nuk çelet; i paçelur, i mbyllët. Lule të të paçelshme. Jetë e prerë në mes dhe e paçelshme.

PUPCË

PÚPC/Ë,~A f. sh. ~A, ~AT Burbuqe, gonxhe, syth i paçelur.

PUPKË

PÚPK/Ë,~A f. sh. ~A, ~AT 1. Xhufka që kanë disa shpendë në kokë, pupëz.
2. Lule e paçelur, gonxhe.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë