Fjalori

Rezultate në përkufizime për “përzhitem”

Mëso si ta përdorësh
<<< Kthehu te kërkimi kryesor në fjalor

PURITEM

►PURÍT/EM jovep., ~A (u), ~UR 1. vetv. Përzhitem, digjem. Largohu nga zjarri se u purite.
2. pës. e PURÍT.

PËRCËLLOHEM

►PËRCËLL/ÓHEM jovep., ~ÓVA (u), ~ÚAR 1. vetv. Më digjet pak lëkura a ndonjë pjesë e jashtme e trupit (zakonisht flokët, vetullat etj.); përzhitem. Iu përcëlluan flokët (vetullat, duart).
2. vetv. Më digjet përsipër ndonjë veshje e trupit. U përcëllua në flakë.
3. vetv., vet. v. III Digjet pak në pjesën e sipërme a në sipërfaqe, merr të djegur, përzhitet; piqet paksa në sipërfaqe, përskuqet në flakë. U përcëllua mishi.
4. vetv. Digjem fare, bëhem shkrumb. U përcëlluan brenda në shtëpi (në mes të flakëve). U përcëlluan me gjithë plaçka.
5. vetv., vet. v. III Humbet njomësinë, fishket nga të nxehtët etj., thahet, digjet (zakonisht për bimët). U përcëlluan bimët. U përcëlluan për ujë.
6. pës. e PËRCËLLÓJ. U përcëllua misri (gruri) nga vapa.
✱Sin.: përzhitem, përdigjem, përflakem, përflakohet, rrëmbehem, zhegitem, shkrumbohem, zhuritem, frugullohet, digjem, rreshkem, fishkem, thahem, përskuqem, vrugohet.

PËRZHALITEM

►PËRZHALÍT/EM jovep., ~A (u), ~UR vetv. Përzhitem.

PËRZHITJE

PËRZHÍTJ/E,~A f. 1. Veprimi kur përzhit ose kur përzhitem.
2. Gjendja kur përzhit ose kur përzhitem.
✱Sin.: përcëllim, përzhalitje, përzhëlitje, rreshkje, përflakje, përdjegie, thekje, skuqje, tiganisje.

PËRZHURITEM

►PËRZHURÍT/EM jovep., ~A (u), ~UR vetv. Përzhitem.

PËRZHËLITEM

►PËRZHËLÍT/EM jovep., ~A (u), ~UR vetv. Përzhitem.

RRESHKEM

►RRÉSHK/EM jovep., ~A (u), ~UR vetv. 1. vet. v. III Thahet e skuqet pak nga pak pranë zjarrit, theket. U rreshk buka.
2. vet. v. ІІI. Thahet pak nga pak diçka duke iu rrudhur e duke iu ashpërsuar cipa. U rreshkën fiqtë. U rreshk gruri. U rreshkën gjethet.
3. Më thahet e më rrudhet lëkura (zakonisht nga dielli); rrudhem e thahem nga pleqëria ose nga jeta e vështirë, fishkem. Rreshkem në diell. Iu rreshkën faqet. Iu rreshk lëkura. U rreshkën pleqtë, po mbahen mirë.
4. fig. Më merr një etje e madhe për të pirë ujë ose diçka tjetër, më thahet goja; kam dëshirë të madhe për diçka, digjem për diçka. U rreshka për ujë. Iu rreshk goja për një kafe.
✱Sin.: digjem, shkrumbohem, përzhitem.

SHKRUMBOHEM

►SHKRUMB/ÓHEM jovep., ~ÓVA (u), ~ÚAR vetv. 1. vet. v. III Digjet e bëhet shkrumb, zhuritet. U shkrumbua gjella (kafja). Iu shkrumbua shtëpia me gjithë ç'kishte brenda. U shkrumbua gruri (misri, bari).
2. vet. v. III Rreshkem; thahet a digjet nga vapa e madhe a nga ethet ose nga mungesa e ujit. M'u shkrumbua goja. Iu shkrumbuan buzët. U shkrumbova për një pikë ujë.
3. pës. e SHKRUMBOJ.
✱Sin.: rreshkem, digjem, shkrumbëzohem, zhuritem, përcëllohem, përzhitem, ciknoset, zhuritet, vrugohem.

SHKRUMBËZOHEM

►SHKRUMBËZ/ÓHEM jovep., ~ÓVA (u), ~ÚAR vetv. 1. Shkrumbohem.
2. pës. e SHKRUMBËZOJ. U shkrumbëzua makina nga i nxehti i madh.
✱Sin.: shkrumbohem rreshkem; digjem, shkrumbëzohem, zhuritem, përcëllohem, përzhitem; ciknoset, zhuritet, vrugohem.

SKOTITEM

►SKOTÍT/EMII jovep., ~A (u), ~ÚR vetv. 1. Nxihem, bëhem me bojë të zezë. U skotit duke lyer hekurat e derës.
2. Nxihem në diell. U skotita dje në plazh. Ishte skotitur e bërë flakë.
✱Sin.: njollosem, përzhitem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë