Fjalori

Rezultate në përkufizime për “përvitshëm”

Mëso si ta përdorësh
<<< Kthehu te kërkimi kryesor në fjalor

ABONE

ABONÉ,~JA f. sh. ~, ~TË ek. 1. Pajtim ose parapagim për një shërbim. Abone e studentëve. Vërtetim aboneje. Përditësim i abonesë. Abone për media.
2. Ai që bën një pajtim ose parapagim për një shërbim. Abone i një programi. Abone i përvitshëm.
3. Dokument që vërteton pajtimin për një shërbim. Abone mujore për autobus. Abone për sezonin futbollistik.
✱Sin.: pajtim, parapagim.

ABONUES

ABONÚES,~I m. sh. ~, ~IT Ai që bën abone për një shërbim ose për një blerje. Abonues i përvitshëm. Abonues jo i rregullt. Janë qindra abonues. Ka rënie të abonuesve. Shumica janë abonues të rinj.
✱Sin.: parapagues, pajtimtar, pajtues, abonent.

ANTIFRIZË

ANTIFRÍZ/Ë,~A f., kim. Lëndë kimike (etanol, propol etj.), që i shtohet ujit të një motori makine, të një pajisjeje etj. për të parandaluar ngrirjen e tij. Antifriza mbron motorin. Përbërja kimike e antifrizës. Zëvendësimi i përvitshëm i antifrizës.

MOTMOTAR

MOTMOTÁR,~E mb., bised. 1. Që ka mbushur motin, motak, njëvjeçar. Foshnjë motmotare. Viç motmotar.
2. I përvitshëm, vjetor; që merret gjatë një viti. Të ardhurat motmotare. Prodhime motmotare.

MËVITSHËM

MËVÍTSH/ËM (i), ~ME (e) mb. I përvitshëm. Aktivitet i mëvitshëm. Ngjarje e mëvitshme.

PLEHËRIM

PLEHËRÍM,~I m. sh. ~E, ~ET 1. Veprimi kur plehëroj ose kur plehërohet një arë, një pemë etj.
2. Rrjedhim kur plehëroj ose kur plehërohet një arë, një pemë etj. Plehërim i plotë (i pjesshëm, plotësues). Plehërim bazë. Plehërimi i bimëve (i pemëve, i tokës). Plehërim i gjelbër (bujq.) plehërim me bimë të gjelbra, si misri etj., të grira imët. Plehërim organik. Plehërim gjethor. Plehërim i përvitshëm. Plehërim i tërthortë. Plehërim me aeroplan. Plehërim me dorë. Plehërim me ujë. Plehërim nëntokësor. Plehërim i shkallëzuar.
✱Sin.: pasurim, ushqyerje.

PËRMOTSHËM

PËRMÓTSH/ËM (i), ~ME (e) mb., vjet. Që bëhet një herë në mot, i përvitshëm. I paguan haraç të përmotshëm.
✱Sin.: i përvitshëm, i çdovitshëm, i vitpërvitshëm.

PËRVITSHËM

PËRVÍTSH/ËM (i), ~ME (e) mb. Që i përket çdo viti, i çdo viti; që bëhet çdo vit; që del çdo vit; vjetor. Plani (prodhimi) i përvitshëm. Botim i përvitshëm i drejtorisë së statistikës. U bëjnë shërbimet e përvitshme pemëve (ullinjve, vreshtave).
✱Sin.: vjetor, i përmotshëm, motmotar.

VITSHËM

VÍTSH/ËM (i),~ME (e) mb. Që i përket një viti, vjetor, i përvitshëm. Kremtim i vitshëm. Festë e vitshme.

VJETAR

VJETÁR,~II m. sh. ~Ë, ~ËT Libër që botohet një herë në vit, ku jepen të dhëna e ngjarje të një viti; botim i përvitshëm. Vjetar statistikor. Të dhënat e vjetarit. Botohen disa vjetarë. Vjetari i vitit të kaluar.
✱Sin.: almanak, vjetore, kalendar.

VJETOR

VJETÓR,~E mb. 1. Që i përket një viti; i çdo viti; që bëhet për një vit a gjatë një viti, i vitit. Plan vjetor. Detyrë vjetore. Zotim vjetor. Realizimi vjetor. Përfundimet vjetore.
2. Që ndodh çdo vit; që bëhet vetëm një herë në çdo vit; që del një herë në çdo vit, i përvitshëm. Mbledhje vjetore. Analiza vjetore. Leja vjetore. Provimet vjetore. Botim vjetor.
3. Njëvjeçar. Bimë (kulturë bujqësore) vjetore. Unazë vjetore rrathë në trungun e një druri të prerë për së gjeri, që tregojnë moshën e tij.
✱Sin.: i përvitshëm, njëvjeçar, motmotar, motak.

VJETORE

VJETÓR/E,~JA f. sh. ~E, ~ET vjet. Regjistër vjetor, botim vjetor; vjetar. Vjetore e historisë. Vjetorja “Shkodra”.
✱Sin.: vjetar, i përvitshëm, njëvjeçar, motmotar.

ÇDOVITSHËM

ÇDOVÍTSH/ËM (i), ~ME (e) mb. I përvitshëm. Bilanci i çdovitshëm. Vizita e çdovitshme në të njëjtën orë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë