Fjalori

Rezultate në përkufizime për “përvetësueshëm”

Mëso si ta përdorësh
<<< Kthehu te kërkimi kryesor në fjalor

ASIMILUESHËM

ASIMILÚESH/ËM (i), ~ME (e) mb. 1. biol. Që mund të thithet e të përvetësohet nga organizmi, që mund të asimilohet; kund. i paasimilueshëm. Lëndë ushqimore e asimilueshme. Në mënyrë të asimilueshme.
2. Që tjetërsohet lehtësisht, që përshtatet në mjedis të ri e të huaj. Person i asimilueshëm.
3. fig. Që mund të përvetësohet me lehtësi (për mësimet, njohuritë); kund. i paasimilueshëm. E bëj të asimilueshëm.
✱Sin.: i përvetësueshëm, i përvetueshëm, i thithshëm, i përthithshëm, i shkrishëm, i tretshëm, i tjetërsueshëm, i integrueshëm.

PAPËRVETËSUESHËM

PAPËRVETËSÚESH/ËM (i), ~ME (e) mb. 1. Që nuk është i përvetësueshëm; nuk mund të përvetësohet; që nuk mund të ngulitet; kund. i përvetësueshëm. Tekst i papërvetësueshëm.
2. biol. Që nuk mund të thithet e të përpunohet nga organizmi; që nuk mund të tretet mirë në organizëm; kund. i përvetësueshëm. Lëndë minerale të papërvetësueshme.

PËRVETËSUESHMËRI

PËRVETËSUESHMËRÍ,~A f. Të qenët i përvetësueshëm; vetia e diçkaje që është e përvetësueshme. Përvetësueshmëria është kriter i domosdoshëm për mbarëvajtjen e procesit të nxënies. Përvetësueshmëria e kripërave.

PËRVETËSUESHËM

PËRVETËSÚESH/ËM (i), ~ME (e) mb. 1. biol. I përvetësueshëm. Lëndë ushqyese të përvetësueshme.
2. Që mund të bëhet i shfrytëzueshëm e i dobishëm, që mund të bëhet i përdorshëm (për një vendburim xeheror, për tokën etj.). Toka të përvetësueshme.
3. Që mund të kuptohet e të mësohet, që mund të zotërohet (për mësimin etj.). Lëndë e përvetësueshme.
✱Sin.: i përvetueshëm, i dobishëm, i përdorshëm, i kuptueshëm, i zotërueshëm, i kapshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë