Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AKCEPTÚES,~I m. sh. ~, ~IT 1. Ai që pranon ose që pajtohet me një propozim, me një mendim, me një sugjerim, me një këshillë të dikujt. Akceptues i sugjerimit.
2. drejt. Ai që pranon ose që merr përsipër një detyrim të lidhur me një kontratë të dyanshme. Akceptues i vendimit të gjykatës. Akceptuesi i kontratës (i borxhit, i kambialit, i faturës etj.).
✱Sin.: pranues, pajtues, miratues, përvetësues.
ASIMILÚES,~E mb. 1. biol. Që thith e përvetëson një lëndë të jashtme, që e tret dhe e përpunon në organizëm. Fuqia asimiluese e bimës.
2. fig. Që përvetëson mirë e me lehtësi një mësim a një lëndë. Aftësia asimiluese e nxënësit.
3. Që përpiqet të asimilojë një popull ose një komb tjetër. Politikë asimiluese.
✱Sin.: përvetësues, përvetues, marrës, thithës, përthithës, tjetërsues, përshtatës, integrues.
PËRVETÚES,~E mb. 1. biol. Që thith, përpunon e tret në organizëm një lëndë të jashtme ushqyese; asimilues.
2. Përvetësues.
✱Sin.: asimilues, tretës, thithës, përthithës, përvetësues.
SHFRYTËZÓNJËS,~E mb. Që është shfrytëzues, që përfiton nga puna a dija e dikujt tjetër. Nuk ishin aq shfrytëzonjës sa qenë më parë. Ishte gënjeshtar e shfrytëzonjës.
✱Sin.: gjakpirës, robërues, shtypës, peshkaqen, përfitues, përvetësues, zhvatës, vampir, zhvatarak.
SHFRYTËZÓNJËS,~I m. sh. ~, ~T Shfrytëzues; gjakpirës, përvetësues. Shfrytëzonjës i automjetit. Shfrytëzonjës i popullit të vet.
SHFRYTËZÚES,~E mb. Që shfrytëzon të tjerët, shfrytëzonjës. Vajzë shfrytëzuese.
✱Sin.: shfrytëzonjës, gjakpirës, robërues, shtypës, peshkaqen, përfitues, përvetësues, zhvatës, vampir, zhvatarak.
SHFRYTËZÚES,~I m. sh. ~, ~T 1. Ai që nxjerr fitime duke përvetësuar frytet e punës së të tjerëve, përfitues. Shfrytëzues mizor (i egër, i pashpirt). Shfrytëzuesit e tregut të brendshëm. Interesat e shfrytëzuesve. Shfrytëzues të popullit. Shfrytëzues të minierave.
2. kryes. sh. Ata që shfrytëzojnë një vepër industriale e që zakonisht marrin pjesë edhe gjatë ndërtimit të saj në disa punime. Ndërtuesit dhe shfrytëzuesit. Hidrocentrali iu dorëzua shfrytëzuesve.
3. kryes. sh. Përdorues i burimeve financiare ose i burimeve të tjera, ata që përdorin mundësitë që u krijohen. Shfrytëzuesit shqipfolës. Shfrytëzuesit e internetit. Shfrytëzues të bursave. Shfrytëzues të ndihmës sociale.
✱Sin.: shfrytëzonjës, gjakpirës, robërues, shtypës, çifligar, peshkaqen, përfitues, përvetësues, zhvatës, vampir, zhvatarak.
ZOTËRÚES,~E mb. 1. Që ka pronë; që zotëron diçka. Pala zotëruese.
2. Që është në një vend kyç, që lejon të vëzhgohet e të kontrollohet tërë vendi rreth e rrotull. Pozicion zotërues. Kodër (pikë) zotëruese.
3. Që është më i përhapur se të tjerët, që zë vend më të madh se të tjerët; që zotëron. Tipare zotëruese. Mendim zotërues. Koncepte zotëruese. Ngjyrë zotëruese. U bë zotërues.
4. si em. m. e f. Sipas kuptimit 1 të mbiemrit. Zotëruesi i tokave. Zotëruesi i parave. Zotëruesi duhet ta dëshmojë të drejtën e tij.
✱Sin.: mbajtës, pronar, sundues, plëngçor, përvetësues.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë