Fjalori

Rezultate në përkufizime për “përvajtueshëm”

Mëso si ta përdorësh
<<< Kthehu te kërkimi kryesor në fjalor

PËRMORTSHËM

PËRMÓRTSH/ËM (i), ~ME (e) mb. 1. Që lidhet me ceremoninë e cila bëhet me rastin e vdekjes së dikujt, që bëhet gjatë kësaj ceremonie ose me rastin e saj.
2. Që ka të bëjë me varrimin e dikujt. Miting i përmortshëm. Sallë e përmortshme. Kortezh i përmortshëm. Marsh i përmortshëm (muz.) pjesë muzikore që luhet kur përcjellin të vdekurin në varreza. Fjalim i përmortshëm (etnogr.) fjalim që mbahet në varrimin e dikujt.
3. Që është në zi. Familje e përmortshme.
4. Që është shumë i trishtuar dhe të kujton vdekjen. Tinguj të përmortshëm. Qetësi (heshtje) e përmortshme. Këngë e përmortshme.
✱Sin.: mortor, i zishëm, i përzishëm, i përzitur, varrimor, funeral, i përmortëm, i përvajshëm, i përvajtueshëm, i trishtuar.

PËRVAJSHËM

PËRVÁJSH/ËM (i), ~ME (e) mb. 1. Që shpreh hidhërim të thellë, i trishtuar; që ngjall trishtim, që të bën për të qarë. Zë i përvajshëm. Melodi (këngë) e përvajshme.
2. fig. I vajtueshëm. Gjendje e përvajshme.
✱Sin.: i vajtueshëm, i përvajtueshëm, përvajsor, i vajshëm, vajtues, vajtimtar, vajtimor, i trishtuar, i trishtueshëm, varrimor, elegjiak, qarës, qaraman, i hidhëruar, i përlotur, trishtues, vajcak, vajtues, i fajshëm, mortor.

PËRVAJTUESHMËRI

PËRVAJTÚESHMËRÍ,~A f., libr. Të qenët i përvajtueshëm; vetia e diçkaje që është e përvajtueshme.

VAJTUESHËM

VAJTÚESH/ËM (i), ~ME (e) mb. 1. Që është në një gjendje të mjeruar, që është për të ardhur keq, që të shkakton keqardhje e trishtim të thellë. Gjendje e vajtueshme. Përfundim (fund) i vajtueshëm. Pamje e vajtueshme. Jetë e vajtueshme.
2. fig. Që shpreh trishtim e dhembje të thellë, i përvajshëm. Këngë e vajtueshme. Me zë të vajtueshëm.
✱Sin.: vajtimor, vajtimtar, i përvajtueshëm.

VAJTUESHËM

VAJTÚESHËM ndajf. Në mënyrë të vajtueshme (përdoret për të shprehur një gjendje të rëndë shpirtërore); me dhembje të thellë; përvajshëm. Fliste vajtueshëm. U përgjigj vajtueshëm. Na thirri vajtueshëm.
✱Sin.: përvajtueshëm, trishtueshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë