Fjalori

Rezultate në përkufizime për “përtueshëm”

Mëso si ta përdorësh
<<< Kthehu te kërkimi kryesor në fjalor

ARRAVARRA

ARRAVÁRRA ndajf. 1. Duke e zvarritur diçka, duke e tërhequr përtokë. E tërhoqi arravarra.
2. fig. Me përtaci, pakujdesshëm, shkel e shko, disi. Punon arravarra.
✱Sin.: zvarrë, zvarras, rrëshqanthi, rrëshqanë, zhargas, osh, ngadalë, përtueshëm, përtacshëm, ngeshëm.

BOSHANIK

BOSHANÍK,~E mb., keq. 1. Dembel, përtac, që bën punë pa punë, që hap gojën e shikon qiellin (fig.). Tërë jetën njeri boshanik ka qenë.
2. si em. m. e f. Sipas kuptimit të mbiemrit. Boshanikëve nuk u del koha.
✱Sin.: dembel, përtac, i përtuar, i përtueshëm, krahëthatë.

DEMBEL

DEMBÉL,~E mb. Që nuk e do punën e nuk punon; përtac. Djalë dembel. Vajzë (grua) dembele.
✱Sin.: i përtuar, i përtueshëm, përtac, parazit, dembelhane.

PAPËRTUESHËM

PAPËRTÚESHËM ndajf. Pa përtuar; kund. përtueshëm.

PAPËRTUESHËM

PAPËRTÚESH/ËM (i), ~ME (e) mb. Që është gjithnjë i gatshëm për të kryer çdo punë, që e bën gjithçka me zell e pa përtim; i palodhur; i pakursyer; kund. i përtueshëm. Njeri i papërtueshëm.
✱Sin.: i papërtuar, i pakursyer, i palodhur, i palodhshëm, i gatshëm, i shkathët, i shpejtë, flugtar, flutur, fluturak, fluturashkë, shpuzë, shpuzak.

PËRTAC

PËRTÁC,~E mb. 1. Që nuk ka dëshirë të punojë, që i pëlqen të rrijë pa punë, dembel. Njeri përtac.
2. I ngathët, i plogët. Gjumi i tepërt të bën përtac. Mos u bëj përtac!
✱Sin.: dembel, përtacol, përtacuk, përtacul, përtacush, i përtuar, i përtueshëm, qyl, krahëthatë, bjerrakohës, bjerraditë, bjerraditës, çartabukas, bjerramot, duarmpirë, duarngrirë, duartharë, duarthatë, ngathët, i plogët, i plogësht, i përtejshëm, përtesëderr, përtesëdosë, shalëngjitur, parazit, baltavec.

PËRTORSHËM

PËRTÓRSHËM ndajf. Me përtesë; përtueshëm.

PËRTUAR

PËRTÚAR (i, e) mb. Që përton; shumë i ngathët; përtac, i përtueshëm. Fliste me zë të përtuar. Ecte me hapa të përtuar. I ri i përtuar, plak i dëshiruar. (fj. u.). Këmbët e përtuara, faqet e marruara. (fj. u.).
✱Sin.: i përtueshëm, përtac, i ngathët, i plogët.

PËRTUARAS

PËRTÚARAS ndajf. Përtueshëm, me përtesë.

PËRTUESHËM

PËRTÚESH/ËM (i), ~ME (e) mb. 1. Që shfaq përtesë, që përton, i përtuar, përtac. Djalë i përtueshëm.
2. Shumë i ngathët e i plogët. Është i përtueshëm.
3. fig. Që mezi rritet a zhvillohet, që vjen i dobët, që bëhet me zor, tepër i ngadalshëm. Dimri erdhi i përtueshëm.
✱Sin.: i përtuar, përtac, dembel, i pazhvillueshëm, i dobët, i ngadalshëm.

PËRTUESHËM

PËRTÚESHËM ndajf. Me përtesë. U ngrit përtueshëm. Lëvizi kokën përtueshëm.

RRYESHËM

RRÝESHËM ndajf. Ngadalë e me vështirësi; me ngathtësi e me mundim. Shkruan rryeshëm. Lëviz rryeshëm.
✱Sin.: rryetas, përtueshëm, vajaçëm.

RRYETAS

RRÝETAS ndajf. Rryeshëm. Punonte rryetas. Vepronin disi rryetas.
✱Sin.: përtueshëm, vajaçëm.

VAJAT

VAJÁT vep., ~A, ~UR bised. 1. jokal. Përtoj; punoj përtueshëm; shumë ngadalë, mënoj, vonoj. Vajat shumë në punë.
2. kal. E vonoj dikë a diçka, e bëj të vonohet; e lë a e shtyj diçka për më vonë. E vajati punën Mos e vajat. Na vajati gjithë ditën. E vajati nisjen.
✱Sin.: zvarrit, shtyj.

VAJATEM

►VAJÁT/EM jovep., ~A (u), ~UR 1. vetv. Filloj të bëj diçka me vonesë dhe shumë ngadalë, përtueshëm, vonohem; zvarritem, mënohem. Mos u vajat, ec më shpejt! Ai vajatet në punë. Lëviz duart e mos u vajat!
2. pës. e VAJÁT.
✱Sin.: zhargem, zhargohem, zhagitem, ndalem, harrohem.

VAJATUR

VAJÁTUR (i, e) mb. 1. Që është i ngadalshëm; që punon përtueshëm; dembel. Njeri i vajatur. Vajzë e vajatur. Gruaja e vajatur mezi gatuante një vakt të thjeshtë për fëmijët.
2. Që nuk është për punë; që nuk ia thotë punës. Punëtori i vajatur nuk të mbaron punë.
✱Sin.: i përtueshëm, i pahair.

VAJAÇËM

VAJÁÇ/ËM (i), ~ME (e) mb. Që është shumë i ngadalshëm; i ngathët e i plogët; i përtueshëm. Njeri i vajaçëm. Vajzë e vajaçme. Veprim i vajaçëm. Punë të vajaçme.
✱Sin.: i ngadaltë, i avashtë.

VAJAÇËM

VAJÁÇËM ndajf. Në mënyrë të ngadalshme, ngadalë; përtueshëm. Punon vajaçëm. I kryen punët vajaçëm. Lëviz vajaçëm. E ka marrë punën vajaçëm.
✱Sin.: rryeshëm, rryetas.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë