Fjalori

Rezultate në përkufizime për “përtroll”

Mëso si ta përdorësh
<<< Kthehu te kërkimi kryesor në fjalor

PËRTROLLIT

PËRTROLLÍT (PËRTROLLÍS) vep., ~A, ~UR kal. Rrëzoj me forcë përdhe a përplas, flak përdhe.
✱Sin.: rrëzoj, përplas, shtrij, përtroll.

PËRTROLLJE

PËRTRÓLLJ/E,~A f. 1. Përtrollitje.
2. Rrjedhimi kur përtroll dikë a diçka ose kur përtrollem.

SHEMB

SHEMB vep., ~A, ~ÚR kal. 1. Prish e rrëzoj përtokë një mur, një ndërtesë etj., duke e goditur; rrënoj, shkatërroj dhe bëj rrafsh me tokën; kund. ndërtoj. E shembën ndërtesën (kalanë, fortesën, përmendoren). I shembën muret e shtëpisë. Qytetin e shembi dhe e rrënoi tërmeti. Ujërat kishin shembur urën.
2. E shtyj a e godas me forcë përtokë, përplas përdhe, hedh poshtë; kund. ngre. E shembi përdhe dhe iku. E shembi në asfalt. E shembën përtokë bishën.
3. Vras keq një gjymtyrë a një pjesë të trupit, e godit diku dhe e vras, por pa gjak; mbret, shajtoj, vras, copëtoj. E shembi gjurin gjatë ndeshjes (dorën). Kishte shembur krahun. Qëndroi i shtrirë pasi shembi këmbën.
4. fig. Prish nga themelet, rrëzoj me forcë, shkatërroj (një sistem shoqëror, një pushtet politik etj.), përmbys, flak tej; kund. ndërtoj, themeloj. E shembën diktaturën. Nuk arritën ta shembin demokracinë. Lëvizja që shembi komunizmin. Shembën murin e regjimit komunist. Virusi e shembi murin mbrojtës.
5. fig. Hedh poshtë me argumente diçka, rrëzoj; tregoj që është e gabuar a pa baza, i jap fund. I shembi mitet. Nuk arriti ta shembte besimin në fe. Ia shembi moralin.
6. bised. E qëlloj fort dikë, rrah, e shqep, e zhdëp. E shembën në dru. E shembi së rrahuri. E shembi me shkelma (me grushte).
7. fig., bised. E mund keqas (në një ndeshje sporti, në lojën e letrave etj.), fiton një ndeshje. Me dy gola i shembën kampionët. E shembi kundërshtarin në ring.
8. fig., bised. I jap të hajë e të pijë shumë, e ngop, e dend. E shembi me ushqim. E shembën me përralla. E shembi në pikë. E shembën me fjalë.
9. fig., keq. E qortoj dikë shumë ashpër, e dërrmoj fare; nuk e lë të marrë frymë; shuaj, mbyt, shqep. E shembën me kritika. E shembën me pyetje-përgjigje. E shembi me fyerje e të shara.
10. mjek. E bëj që t’i shkasë dhjamët, rrënxoj. Shemb dhjamin.
✱Sin.: rrënoj, shkatërroj, rrafshoj, fundos, përtroll, përtrollis, rrëzoj, përplas, gremis, mbret (mbres), shajtoj, vras, gjyfqej, copëtoj, përmbys, shqep, zhdëp, ngop, dend, qortoj, dërrmoj, shuaj, mbyt, rrënxoj, dëkoj.
♦ Shemb (përmbys) *malet (dikush). Shemb *murin (muret).

SHUK

SHUK vep., ~A, ~UR kal. 1. Mbledh a bëj shuk diçka; e shtyp, e mbështjell pa rregull, duke e zhubrosur (për rrobat); e ngjesh mirë; shukat, shukos. Shuk paketën me cigare. I shukën rrobat. E shuku fustanin.
2. E rrah dikë. E shuku mirë brumin. E shuku me dru e rrahu mirë.
3. Hedh me forcë diçka përtokë a pas një sendi tjetër të fortë; përplas. E shuku topin. Ua shuku kokat. E shuku pas derës (pas murit).
4. E përplas dikë a e trondit një mjet udhëtimi. Na shuku makina. Na shuku zorrët.
5. Bëj dikë të heshtë. E shuka se na lodhi kokën duke folur shumë.
6. Shuaj, fik. Shuk zjarrin.
7. fig. Ul, shuaj. - Shuke zërin!
✱Sin.: shukat, shukos, rrudh, zhubros, mbledh, shtyp, ngjesh, mbështjell, përplas, përtroll, përtrollis, shakullis, troshit.

SHUKEM

►SHÚK/EM jovep., ~A (u), ~UR 1. vetv. Mblidhem shuk, mblidhem kruspull; tulatem. U shukën në një qoshe. U shuk si iriq. - Shuku aty!
2. vetv. Rrëzohem shakull përtokë a mbi diçka tjetër; bie top në vend. U shuk mbi krevat. U shuk si shakull.
3. vetv. Troshitem. U shukën nëpër një udhë me gropa.
4. vetv. Kapem me dikë duke përplasur njëri-tjetrin në shesh. U shukën një copë herë. - Mjaft u shukët!
5. pës. e SHUK.
✱Sin.: shukatem, shukosem, rrudhet, zhubroset, mblidhem, shtypet, ngjishet, përplasem, përtroll, përtrollitem, shakullisem, troshitem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë