Fjalori

Rezultate në përkufizime për “përtim”

Mëso si ta përdorësh
<<< Kthehu te kërkimi kryesor në fjalor

PAPËRTUESHËM

PAPËRTÚESH/ËM (i), ~ME (e) mb. Që është gjithnjë i gatshëm për të kryer çdo punë, që e bën gjithçka me zell e pa përtim; i palodhur; i pakursyer; kund. i përtueshëm. Njeri i papërtueshëm.
✱Sin.: i papërtuar, i pakursyer, i palodhur, i palodhshëm, i gatshëm, i shkathët, i shpejtë, flugtar, flutur, fluturak, fluturashkë, shpuzë, shpuzak.

PËRTACI

PËRTACÍ,~A f. Të qenët përtac, vesi i përtacit, përtesë, dembeli. S’dinë ç’është përtacia. Përtacia sjell varfërinë. (fj. u.).
✱Sin.: përtesë, dembeli, dembelizëm, dembellëk, ngathtësi, përtim.

PËRTESË

PËRTÉS/Ë,~A f. 1. Mungesa e vullnetit dhe e dëshirës për të punuar; përtaci, dembeli. Punojnë me përtesë. Nuk di se ç’është përtesa.
2. Gjendja kur njeriu ka qejf të rrijë e të mos bëjë gjë; gjendja kur njeriu e bën diçka pa qejf e fare ngadalë, si përtac; ngathtësi, plogështi. U ngrit me përtesë. Fliste me përtesë.
✱Sin.: përtim, përtaci, dembeli, dembelizëm, dembellëk, mërzi, ngathtësi, plogështi.

PËRTIM

PËRTÍM,~I m. Përtesë, përtaci. Punojnë pa përtim. Nuk shfaqi asnjë shenjë përtimi. Lëmashku bren gurin, përtimi fik burrin. (fj. u.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë