Fjalori

Rezultate në përkufizime për “përshëndoshem”

Mëso si ta përdorësh
<<< Kthehu te kërkimi kryesor në fjalor

FALEM

►FÁL/EM jovep., ~A (u), ~UR vetv. 1. (me një trajtë të shkurtër të përemrit vetor në r. dhanore) I lutem dikujt për diçka. Iu fal ta ndihmonte.
2. fet. I drejtoj lutje Zotit; adhuroj Zotin; kryej lutjet e një riti fetar. I falej Zotit. Ishte duke u falur.
3. Përshëndoshem me dikë; përshëndet a uroj dikë. Falem me njerëzit e shtëpisë. U fal me shokun që po nisej për rrugë.
4. (me një trajtë të shkurtër të përemrit vetor në r. dhanore). Falënderoj. - Të falem shumë për nderin që më bëre.
5. Dorëzohem. S’falem, se jam në të drejtën time.
6. vet. v. III Shuhet, fiket (për dritën etj.); vdes (për njeriun). U fal zjarri. Tha vetëm dy fjalë dhe u fal.
7. pës. e FAL. Iu fal dënimi. Liria nuk falet, por fitohet me gjak (fj. u.).
♦ Gjete *kishë (xhami, teqe) të falesh! iron.
✱Sin.: lutem, përshëndetem, falem, shuhem, përkulem.

LAMTUMIREM

LAMTUMÍR/EM jovep., ~A (u), ~UR vetv. I lë lamtumirën dikujt, ndahem nga dikush duke i lënë lamtumirën.
✱Sin.: ndahem, përshëndoshem.

PËRSHËNDETEM

►PËRSHËNDÉT/EM jovep., ~A (u), ~UR 1. vetv. Përshëndet dikë dhe ai më përshëndet mua kur takohemi ose kur ndahemi. U përshëndetën në rrugë. U përshëndet me të ftuarit.
2. vetv. Takohem me dikë e i lë shëndetin, zakonisht kur largohem për disa kohë. U përshëndet me shokët (me të vetët). Përshëndetu me të gjithë!
3. vetv. Më bie sëmundja e tokës. U përshëndet nga ajo e fëmijëve.
4. pës. e PËRSHËNDÉT.
✱Sin.: përshëndoshem, përshëndetohem, falem, përfalem, stërfalem, përgëzohem, urohem, ngjatjetohem, tokem, takohem, hallallohem, hallallosem, hallashtisem, ndahem.

UROHEM

►UR/ÓHEM jovep., ~ÓVA (u), ~ÚAR 1. vetv., zakon. sh. Përgëzohemi me dikë duke i shprehur njëri-tjetrit një dëshirë të mirë, përshëndetemi me dikë. Pinë dhe urohen. U uruan dhe u ndanë.
2. pës. e URÓJ.
✱Sin.: përgëzohem, përshëndetem, përshëndoshem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë