Fjalori

Rezultate në përkufizime për “përshëndetim”

Mëso si ta përdorësh
<<< Kthehu te kërkimi kryesor në fjalor

NËPËRMJET

NËPËRMJÉT parafj. Përdoret me një emër në rasën rrjedhore, që tregon mjetin me anën a me ndërmjetësinë e të cilit bëhet ose arrihet diçka; me anë të. E pa nëpërmjet xhamit të dritares. Hyri nëpërmjet derës komunikuese. Nëpërmjet letërkëmbimit. Nëpërmjet një procesi efektiv. Nëpërmjet hulumtimeve shkencore. Nëpërmjet të lexuarit. Nëpërmjet diplomacisë. Nëpërmjet luftës (përpjekjeve, sakrificave). Nëpërmjet kritikës (shembullit personal). Nëpërmjet jush përshëndetim rininë. Kalitja nëpërmjet punës. Marrja e pushtetit nëpërmjet grushtit të shtetit.
✱Sin.: përmes, përmjet, me, nëpërmes, pas.

PËRSHËNDET

PËRSHËNDÉT (PËRSHËNDÉS) vep., ~A, ~ UR kal. 1. I jap dorën dikujt, i bëj një shenjë me kokë, heq kapelën përpara tij etj. ose i them fjalë të caktuara urimi kur takohem me të ose kur ndahem prej tij. E përshëndeti me dorë (me kokë). Malet përshëndetin trimat (let.).
2. I shfaq dikujt me fjalë ose me lëvizje të kokës, të dorës etj. ndjenja miqësie, nderimi a mirësjelljeje. Të përshëndet nga zemra. S’e njoh mirë, vetëm sa e përshëndet. Përshëndeti dhe u largua.
3. Përgëzoj dikë, zakonisht një grup njerëzish të mbledhur diku, një kolektiv, një ndërmarrje, institucion etj., me rastin e një feste, të një arritjeje në punë etj., duke u uruar punë të mbarë e arritje të mëtejshme; i sjell a i dërgoj një përshëndetje. Përshëndeti kuvendin. Përshëndeti ngrohtësisht delegatët (të ftuarit).
4. (me një trajtë të shkurtër të përemrit vetor në r. dhanore). E zë sëmundja e tokës. E përshëndeti dorëpuna.
5. Jap pëlqimin tim të plotë për diçka; miratoj. Përshëndet një nismë. Përshëndetim arritjet.
✱Sin.: përshëndosh, përshëndetoj, fal, përgëzoj, uroj, tok, ngjatjetoj, takoj, përgëzoj, miratoj, brohoras, duartrokas.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë