Fjalori

Rezultate në përkufizime për “përrallis”

Mëso si ta përdorësh
<<< Kthehu te kërkimi kryesor në fjalor

DËRDËLLIT

DËRDËLLÍT (DËRDËLLÍS) vep., ~A, ~UR bised., jokal. Flas kot e pa pushim, them gjepura, flas pa përgjegjësi; llomotit. Dërdëlliti shumë. Dërdëlliste prapa shpinës. - Mjaft dërdëllite! Dërdëlliti lloj-lloj gjepurash. - Ama, ç’dërdëllit edhe ti!
✱Sin.: llomotit, turtullit, broçkullit, përrallis.

DËRDËLLITËS

DËRDËLLÍTËS,~I m. sh. ~, ~IT Njeri shumë llafazan, dikush të cilit s’i pushon goja së foluri, ai që dërdëllit pa pushim; si çakalle (si trokashkë) mulliri. Përkthyesi nuk është dërdëllitës mekanik.
✱Sin.: llomotitës, turtullitës, broçkullitës, përrallis.

PËRRALL

PËRRÁLL vep., ~A, ~UR jokal. Bëj muhabet a shaka me dikë; e tall, e mahit dikë; përrallis. Na përralli gjithë darkën.
✱Sin.: tall, mahit, përrallis.

PËRRALLIS

PËRRALLÍS vep., ~A, ~UR jokal. dhe kal. 1. Flas gjëra të kota, pa asnjë bazë të vërtetë, them gjepura, them përralla. Përrallisnin kodra pas bregut. Ç’po na përrallis kështu!
2. Tregoj gjerë e gjatë një histori tërheqëse që nxit kureshtjen e dëgjuesve, i mbaj të tjerët me muhabete për ndodhi interesante. Na përrallisi si kishte ndodhur. Na përrallisi 2 orë rresht.
✱Sin.: përralloj, përrallos, shpërralloj, shpërrallis, përrallisem, dërdëllis, llomotis, tregoj, gënjej.

PËRRALLISEM

►PËRRALLÍS/EM jovep., ~A (u), ~UR 1. vetv. Flas shumë dhe për gjëra pa rëndësi me dikë; flas kot; përrallis. Përrallisej me fqinjët në sofat (te porta).
2. pës. e PËRRALLÍS.
✱Sin.: përrallohem, përrallosem, përrallis.

PËRRALLISJE

PËRRALLÍSJ/E,~A f. sh. ~E, ~ET 1. Veprimi kur përrallis ose kur përrallisem.
2. Fjalë të shumta e pa rëndësi; gjepura, përralla. Përrallisje të kota.
✱Sin.: gjepur, dërdëllisje, llomotitje.

PËRRALLOJ

PËRRALL/ÓJ vep., ~ÓVA, ~ÚAR jokal. dhe kal. 1. Tregoj përralla; tregoj një përrallë në lidhje me diçka. Përralloi tërë natën. Na përralloi e na kënaqi.
2. Bisedoj me dikë për gjëra pa rëndësi, bëj muhabet sa për të kaluar kohën, përrallis.
✱Sin.: përrallis, rrëfej, tregoj, kallëzoj, përrallis.

PËRRALLOS

PËRRALL/ÓS vep., ~A, ~UR jokal. Përrallis. Përrallosin për gjëra të paqena.

ÇURLIKON

ÇURLIK/ÓN vep., ~ÓI, ~ÚAR jokal. 1. Cicëron. Ti veç di të çurlikosh. Çurliko fyell e zamare.
2. fig. Flas pa mend, përrallis. Filluan të çurlikojnë kundër këtij kleri.
✱Sin.: cicëron, çerpëton, çerrkat, çuçurit, përrallis, dërdëllit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë