Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
HARTÚAR (i, e) mb. 1. Që është hartuar sipas një plani të caktuar (për një vepër letrare, shkencore etj.). Gramatikë e hartuar nga gjuhëtarë. Pjesë teatrale e hartuar nga dramaturgë. Tekst shkollor i hartuar nga specialistë të fushës.
2. Që është përpiluar dhe shkruar për një dokument a shkresë. Dokument i hartuar në shqip. Shkresë e hartuar për mundësi bashkëpunimi.
3. Që është menduar a planifikuar, përgatitur me të dhënat e nevojshme për zbatim; mënyrë veprimi. Ligj i hartuar dhe i miratuar. Grafik pune i hartuar. Projekt (plan) i hartuar.
4. Që është shkruar, shprehur bukur, qartë e drejtë mendimet a veprimet për një detyrë me shkrim, për një temë të caktuar a një ese. Temë e hartuar bukur. Ese e hartuar në anglisht. Detyrë e hartuar në kohën e shkuar.
✱Sin.: i përpiluar, i shkruar, i përgatitur.
KONCÉPT,~I m. sh. ~E, ~ET 1. logj. Formë themelore e të menduarit, në të cilën pasqyrohet tërësia e vetive a e tipareve më të përgjithshme të një sendi, të një dukurie etj.; nocion. Koncept i saktë (i qartë, i ri). Formimi i një koncepti për një dukuri të re.
2. Tërësia e pikëpamjeve a e ideve të dikujt për një çështje, një dukuri etj. Kanë ekzistuar edhe koncepte të vjetra.
3. Tekst i përpiluar në dorë të parë, ku shfaqet ideja e botimit të një studimi, të një artikulli etj.; përmbledhje. Në fillim bëra konceptin e shkresës (të artikullit), pastaj e zgjerova.
✱Sin.: nocion, pikëpamje, përmbledhje.
MOSPËRPILÍM,~I m. Pamundësi, paaftësi ose mospranim për të përpiluar diçka; veprimi dhe gjendja kur nuk përpiloj ose kur nuk përpilohet diçka; kund. përpilim. Mospërpilimi i listave konkrete. Mospërpilimi me shkrim i kontratës së punës.
TESTAMÉNT,~I m. sh. ~E, ~ET 1. drejt. Dokument zyrtar që bën trashëgimlënësi, me anën e të cilit ai, me vullnet të lirë, i lë pas vdekjes pasurinë a sendet vetjake dikujt tjetër. E la me testament. E ka në testament. Testament alografik tekst i hartuar nga një person tjetër dhe i nënshkruar nga trashëgimlënësi në praninë e së paku dy dëshmitarëve me një deklaratë të trashëgimlënësit që testamenti është i tij. Testament holograf testament i shkruar dhe i nënshkruar nga trashëgimlënësi me dorë të vet (jo me makinë shkrimi a në mënyrë mekanike). Testament gjyqësor testament i përpiluar nga gjyqtari i gjykatës kompetente sipas deklaratës së trashëgimlënësit dhe i nënshkruar prej tij. Testament noterial testamenti me akt noterial që redaktohet nga noteri dhe nënshkruhet nga trashëgimlënësi në prani të tij.
2. fig. Dëshirë që lë njeriu me fjalët e fundit para vdekjes; amanet.
3. fet. Dhiatë, bibël. Testamenti i Vjetër Dhiata e Vjetër. Testamenti i Ri Dhiata e Re.
4. libr. Vepër e rëndësishme, e shkruar nga një veprimtar shoqëror, nga një shkrimtar, nga një shkencëtar etj., zakonisht gjatë viteve të fundit të jetës, në të cilën pasqyrohen pikëpamjet e tij kryesore për fushën përkatëse. Testament politik (poetik).
✱Sin.: amanet, dëshirë, bibël, dhiatë, vepër.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë