Fjalori

Rezultate në përkufizime për “përndrydhur”

Mëso si ta përdorësh
<<< Kthehu te kërkimi kryesor në fjalor

NDRYDHUR

NDRÝDHUR (i, e) mb. 1. Që është shtypur e i është pakësuar vëllimi, i ngjeshur. Ajër i ndrydhur. Gaz i ndrydhur. Djathë i ndrydhur ushqim që bëhet duke ngjeshur e shtypur së bashku djathë të njomë, qepë të njoma, kopër e vaj ulliri. Pogaçe e ndrydhur me djathë dhe qumësht.
2. Që ka dalë nga vendi (një gjymtyrë); që është përdredhur. Këmba e ndrydhur i ishte ënjtur.
3. fig. Që nuk lejohet të shfaqet a të zhvillohet lirisht, që pengohet, që kufizohet a që ngushtohet. Me dëshira (ndjenja) të ndrydhura. Fuqi të ndrydhura. Vullnete të ndrydhura. Jetë e ndrydhur. E mbante të ndrydhur.
4. fig. Që nuk sillet e nuk vepron lirisht në jetë, i druajtur; që është i mbyllur në vetvete. Vajzë e ndrydhur. Fëmijë i ndrydhur.
✱Sin.: i shtypur, i ngjeshur, i përndrydhur, i përdredhur, i shtypur, i kufizuar, i ngurosur, i topitur, i druajtur, i kyçur, i ndryrë, i mbyllur, i angështuar, i nënshtruar, i ndrydhët, i tulatur.

PËRNDRYDHSHËM

PËRNDRÝDHSHËM ndajf. Duke u përndrydhur, me druajtje, ndrydhshëm. Foli përndrydhshëm.

PËRNDRYDHSHËM

PËRNDRÝDHSH/ËM (i), ~ME (e) mb. Që mund të përndrydhet; i përndrydhur.

PËRNDRYDHUR

PËRNDRÝDHUR (i, e) mb. Që është përndrydhur, i ndrydhur. Ecte me këmbë të përndrydhur. E kishte krahun të përndrydhur.

STRANGULISUR

STRANGULÍSUR (i, e) mb. Që është strangulisur; i ndrydhur. Kyç i strangulisur. Dorën e strangulisur nuk duhet ta lëvizte fare. Nuk mbështetej dot në këmbën e strangulisur. U bënte masazh kyçeve të strangulisura të lojtarëve.
✱Sin.: i ngjeshur, i përndrydhur, i përdredhur, i ndërlikur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë