Fjalori

Rezultate në përkufizime për “përkuqur”

Mëso si ta përdorësh
<<< Kthehu te kërkimi kryesor në fjalor

PËRKUQUR

PËRKÚQUR (i, e) mb. I përskuqur. Me sy të përkuqur. Me fytyrë të përkuqur.

PËRSKUQUR

PËRSKÚQUR (i, e) mb. Që ka marrë një ngjyrë të kuqërremtë, i skuqur paksa. Shtresë (sipërfaqe) e përskuqur.
✱Sin.: i skuqur, i kuqërremë, i përkuqur, i lëkuqur, i flakërimë, i flakëruar, flakërues, i përcëlluar.

SARRAKUQ

SARRAKÚQ,~E mb. I kuq në fytyrë, prej zemërimit, inatit etj. Je bërë sarrakuq prej temperaturës. Djali u largua i sarrakuqur prej turpit.
✱Sin.: i skuqur, i kuqur, i përkuqur, i përskuqur, i lëkuqur, i mërdhezur, i përflakur, i përflakuar, i flakëruar, i flakëritur, i kuqërrisur, gjak, flakërimë.

SHALAKUQUR

SHALAKÚQUR (i, e) mb. Që është i skuqur a i thekur pranë zjarrit, që është shalakuqur,. Faqe të shalakuqura. Tregoi këmbët e shalakuqura.
✱Sin.: i skuqur, i kuqur, i përskuqur, i përkuqur, i thekur, i flakëritur, i përflakur.

SKUQUR

SKÚQUR (i, e) mb. 1. Që është skuqur; që ka marrë ngjyrë të kuqe a të kuqërremtë. Domate të skuqura (domate të pjekura).
2. Që është fërguar me yndyrë, i fërguar, i tiganisur. Mish i skuqur. Patate të skuqura. Qepë e skuqur.
3. Që është nxehur sa ka marrë ngjyrë të kuqe. Tel i skuqur. Hekur i skuqur.
4. Që është bërë si i kuq në fytyrë a në një pjesë tjetër të trupit nga ardhja e gjakut me shumicë për shkak të të ftohtit, të të nxehtit, të ndonjë sëmundjeje etj. I ka grykët të skuqura. Me sy të skuqur.
5. fig. bised. Që ka sedër e cipë, që turpërohet lehtë. Është vajzë e skuqur.
✱Sin.: i kuqur, i stërkuqur, i përskuqur, i ndezur, i përndezur, i mbërdhezur, i përskuqur, i përkuqur, i lëkuqur, i përgjakur, i kuqërrisur, i kuqërruar, i flakëruar, i flakëritur.
♦ E bëri për *gjalpë të skuqur (dikë). E hëngri *telin e skuqur (dikush) përçm. vulg.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë