Fjalori

Rezultate në përkufizime për “përkuq”

Mëso si ta përdorësh
<<< Kthehu te kërkimi kryesor në fjalor

SKUQ

SKÚQ vep., ~A, ~UR 1. kal. E ngjyej me të kuqe përsipër ose e bëj me të kuq; i jap një ngjyrë të kuqe, e bëj të duket i kuq. E skuqi me laps. E ka skuqur shumë. I skuqi dorën (faqen). Dielli skuqi horizontin.
2. edhe fig., kal. E lyej me gjak, derdh gjak dhe e njom përsipër; vet. v. III e lyen përsipër, derdhet, e nëm (për gjakun). E skuqën tokën (truallin) me gjak. I skuqi muret me gjak. Gjaku skuqte pragun (rrugën).
3. kal. Vë në tigan mbi zjarr mishin, qepën, patatet etj. me yndyrë dhe i përziej e i rrotulloj deri sa të marrin një ngjyrë të kuqërremtë, fërgoj, tiganis. Skuq patatet (specat, patëllxhanët). Skuq qepën. Skuq mishin. Skuq vezë me gjalpë. I skuqi mirë (shumë, ngadalë). I ka lënë pa skuqur.
4. kal. E nxeh në zjarr sa të marrë ngjyrë të kuqe (kryesisht për metalet). Skuq hekurin. Skuq furrën e nxeh shumë për të pjekur.
5. fig. bised. E bëj ta ndiejë veten të turpëruar, turpëroj, e bëj me turp. E skuqi para të gjithëve.
6. fig. bised., kal. E rrah ose e ndëshkoj rëndë; e mund keq në një lojë. E skuqi në shah. I skuqëm ndeshjen e kaluar.
7. fig. bised., kal. I punoj një rreng ose i jap një mësim që ta mbajë mend, i bëj diçka që t’i djegë. Do ta skuq njëherë që ta mbajë mend për tërë jetën. I skuqën aq shumë, sa nuk do ta harrrojnë këtë ditë.
8. jokal., vet. v. Merr një ngjyrë të kuqe, bëhet i kuq; shquan që larg nga ngjyra e kuqe që ka, kuqon. Skuqi qielli. Atje tej skuqte një parullë. Skuqnin flamujt. I skuqin faqet.
✱Sin.: lëkuq, kuqërris, stërkuq, kuqësoj, përflak, përgjak, përkuq, përskuq.
♦ Ia skuqi *veshët (dikujt).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë