Fjalori

Rezultate në përkufizime për “përkufizohet”

Mëso si ta përdorësh
<<< Kthehu te kërkimi kryesor në fjalor

JURISPRUDENCË

JURISPRUDÉNC/Ë,~A f., libr. Shkenca e drejtësisë; drejtësia si specialitet a si profesion; tërësia e mendimeve apo e qëndrimeve juridike të shprehura në vendimet e gjykatave me rastin e zgjidhjes së çështjeve konkrete në praktikë. Jurisprudenca përkufizohet edhe si interpretim gjyqësor i normave juridike. Jurisprudenca krahasuese. Instituti i jurisprudencës. Diplomë jurisprudence. Merret me jurisprudencë.

NDËRPËRKUFIZUESHËM

NDËRPËRKUFIZÚESH/ËM (i), ~ME (e) mb. Që mund të përkufizohet duke pasur parasysh dy a më shumë fusha të përafërta. Terma të ndërpërkufizueshëm.

PAPËRKUFIZUESHËM

PAPËRKUFIZÚESH/ËM (i), ~ME (e) mb. Që nuk mund të përkufizohet; kund. i përkufizueshëm.

PAÇANËSUESHËM

PAÇANËSÚESH/ËM (i), ~ME (e) mb., libr. Që nuk është i çanësueshëm, që nuk mund të çanësohet a të përkufizohet; i papërkufizueshëm. Sintagmë e paçanësueshme.
✱Sin.: i papërkufizueshëm, i papërcaktueshëm.

PËRFTUESHËM

PËRFTÚESH/ËM (i), ~ME (e) mb. Që mund të përftohet. Element i përftueshëm (kim.). Shteti përkufizohet nga kufij të përftueshëm dhe të qëndrueshëm. Demokracia varet nga informacioni i disponueshëm dhe i përftueshëm lirisht.

PËRKUFIZIM

PËRKUFIZÍM,~I m. sh. ~E, ~ET 1. Veprimi kur përkufizoj ose kur përkufizohet diçka.
2. Shpjegim që jep në mënyrë të përmbledhur e shkencore përmbajtjen a kuptimin e diçkaje, tiparet thelbësore e anët më të rëndësishme të saj; tërësia e fjalëve dhe e frazave që japin këtë përmbajtje. Jap (bëj) një përkufizim. Përkufizim i gjatë (i shkurtër, i përpiktë, i drejtë, i gabuar). Përkufizime shkencore. Përkufizimi i fjalës (i foljes, i emrit, i fjalisë). Përkufizimi i punës (i mallit, i vlerës, i fitimit neto).
✱Sin.: përcaktim, çanësim, formulë, formulim.

PËRKUFIZOHET

►PËRKUFIZ/ÓHET jovep., ~ÚA (u), ~ÚAR pës., vet. v. III e PËRKUFIZÓJ. Përkufizohet shkurt (me pak fjalë).

PËRKUFIZUESHËM

PËRKUFIZÚESH/ËM (i), ~ME (e) mb. Që mund të përkufizohet; kund. i papërkufizueshëm. Postmodernia është shumë larg të qenët një sistem homogjen i përkufizueshëm. Koncept që nuk është i përkufizueshëm qartë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë