Fjalori

Rezultate në përkufizime për “përjetësuar”

Mëso si ta përdorësh
<<< Kthehu te kërkimi kryesor në fjalor

AMSHUAR

AMSHÚAR (i, e) mb. 1. Që është jashtë kohës dhe i pavarur prej saj, që nuk ka fillim e mbarim në kohë, i amshueshëm. Jeta e amshuar. Shpirt i amshuar.
2. libr. Që zgjat pa kufi në kohë, i përjetshëm, i përhershëm. Lumturi e amshuar. Krenari e amshuar. Vepër e amshuar. Besimi në vlerat njerëzore është i amshuar. Hero i amshuar.
✱Sin.: i amshueshëm, i gjithmonshëm, i pavdekshëm, i përhershëm, i përjetshëm, i përjetësuar, i pavdekësuar, i përgjithmonë, i gjithëjetshëm, amshor.

LAPIDAR

LAPIDÁR,~I m. sh. ~Ë, ~ËT Përmendore e ngritur për të përjetësuar një ngjarje të shënuar ose kujtimin e një njeriu të rënë për atdhe. Lapidar i lartë (i madh). Lapidari i dëshmorëve. Pllaka e lapidarit. Ngrihen lapidarët. Vendosin kurora pranë lapidarit.

LAPIDARËSIM

LAPIDARËSÍM,~I m. sh. ~E, ~ET 1. Përjetësimi i një ngjarjeje të shënuar ose kujtimi i një njeriu të rënë për atdhe përmes ngritjes së një lapidari.
2. Procesi i skalitjes së një monumenti, të një guri përkujtimor ose të ndonjë objekti tjetër simbolik për të nderuar dhe përjetësuar një moment historik ose një figurë të rëndësishme.
3. Veprimi për të bërë diçka të përjetshme dhe të paharrueshme në mendjen e popullit përmes fjalëve të skalitura dhe të goditura.

LAPIDARËSUAR

LAPIDARËSÚAR (i, e) mb. Që është vlerësuar shumë, që është përjetësuar me lapidar, që i është ngritur lapidar. Vepra e tij tashmë është e lapidarësuar.

PAVDEKËSUAR

PAVDEKËSÚAR (i, e) mb. Që është bërë i pavdekshëm; i përjetësuar.

PËRJETËSOHET

►PËRJETËS/ÓHET jovep., ~ÚA (u), ~ÚAR 1. vetv., vet. v. III Bëhet i tillë që të rrojë në shekuj e të mos harrohet kurrë, bëhet i përjetshëm. Është përjetësuar vepra e popullit. Me heroizmin e tyre u përjetësuan.
2. pës. e PËRJETËSÓJ.
✱Sin.: pavdekësohem, amshohem.

PËRJETËSUAR

PËRJETËSÚAR (i, e) mb. Që është përjetësuar. Heronjtë e dëshmorët kanë mbetur të përjetësuar.

PËRMENDORE

PËRMENDÓR/E,~JAI f. sh. ~E, ~ET 1. Vepër arkitekture ose skulpturë e ngritur në një vend për të përjetësuar kujtimin e një ngjarjeje historike a të një njeriu të shquar, monument. Përmendore madhështore. Përmendorja e Skënderbeut. I ngritën një përmendore.
2. Ndërtim a shkrim me rëndësi të veçantë historike a me vlerë kulturore, që ruhet si dëshmi e së kaluarës së një populli. Përmendore historike. Përmendore e vjetër e shkrimit shqip. Përmendore kulture. Mbishkrimet e përmendoreve.
3. fig. Vepër e shquar e me rëndësi të madhe që kujtohet brez pas brezi; vepër letrare me përmbajtje të thellë e me formë të përsosur. Mbeti përmendore e përjetshme. Poema “Bagëti e bujqësisë” (“Lahuta e Malësisë”) është përmendore e pavdekshme.
✱Sin.: monument, lapidar.
♦ I ngre përmendore (dikujt) libr. e vlerësoj shumë lart dikë, e çmoj, e nderoj dhe e lëvdoj shumë për punët e mira a për veprat e shënuara që ka bërë, i jap lavdi, e bëj të lavdishëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë