Fjalori

Rezultate në përkufizime për “përhitur”

Mëso si ta përdorësh
<<< Kthehu te kërkimi kryesor në fjalor

BOJËFINJË

BOJËFÍNJË mb. Që ka ngjyrë hiri të çelur si të finjës; bojëgri, bojëhiri, i hirtë. Flokë bojëfinjë.
✱Sin.: bojëgri, i hirtë, i përhirtë, gri, i himtë, i përhimë (i përhimët), i përhitur, kërr, i kërptë, kënut, çilë, i mushkët, mushkash, sivë, i sivër, thim, thimak, thiman, thimash, thinjë, thinjak, thinjosh, qimehirtë, i përthinjur.

GRI

GRI mb. I hirtë; i përhirtë. Bojë gri.
✱Sin.: i hirtë, bojëhiri, i himtë, i grizhtë, i përhimë, i përhimët, i përhitur, i përhirtë, i përthinjur, i murrmë.
♦ *Eminenca gri (e hirtë) libr. këshilltar me ndikim të madh pranë një personaliteti të lartë.

GRIVOL

GRIVÓL,~E mb. Që ka ngjyrë të hirtë.
✱Sin.: i përhitur, thinjosh.

HIJOSUR

HIJÓSUR (i, e) mb. 1. I hijesuar.
2. I përhitur.

HIRUSHE

HIRÚSH/E,~ JA f. sh. ~, ~ET folk. Figurë e përrallave popullore shqiptare, që paraqitet si vajzë e vogël, e bukur, e urtë, punëtore dhe e dashur, e cila trajtohej keq nga njerka; vajzë e përhitur.

PËRHIMSHËM

PËRHÍMSH/ËM (i), ~ME (e) mb. 1. I përhitur.
2. fig. I mjegullt, i vagullt.

PËRHIMË

PËRHÍM/Ë (i), ~E (e) mb. I përhitur. Me flokë (me sy) të përhimë. Mjegull e përhime. Gizë e përhime (spec.). Drita e përhime e mëngjesit.

PËRHIRTË

PËRHÍRTË (i, e) mb. Që është në ngjyrë të hirit, i përhitur. Re të përhirta. Qiell i përhirtë. Mjegull e përhirtë.

PËRHIRË

PËRHÍRË (i, e) mb. I përhitur.

PËRHITUR

PËRHÍTUR (i, e) mb. 1. Që është bërë me hi. Kulaç i përhitur. Mish i përhitur. Tavë e përhitur. Gurë të përhitur. Me duar të përhitura. Mace e përhitur. Plakë e përhitur.
2. Që ka ngjyrë si të hirit, i hirtë. Me flokë të përhitur. Mace e përhitur. Kalë i përhitur. Re të përhitura. Qiell i përhitur. Në agun e përhitur.
✱Sin.: i hirtë, i përhirtë, i përhimë, i thinjur, i përthinjur, thimash, thinjosh, kënut, i kërptë, kërr, i brymë, çil, mushkash, gri, grivë, grivol, sivër.

SURMË

SÚRMË (i, e) mb. Që ka ngjyrë hiri të mbyllët. Trungjet e surme të shelgjeve.
✱Sin.: i murrmë, i galmë, dritëpakë, i zbehtë, zbehtak, i irnosur, i irnuar, i vrugët, murgash, murrak, murrash, murrmash, mushkash, i përhimë, i përhimët, i përhitur, i mushkët, i mushkëllitur, i mushkëllyer, i hirtë.

THIMASH

THIMÁSH,~E mb. Që vjen i përhimë, që i ka qimet si të përthinjura (për kafshët). Cjap thimash. Dhi thimashe.
✱Sin.: i hirtë, i përhitur, i përhimë, i përthinjur.

THINJUR

THÍNJUR (i, e) mb. Që i janë zbardhur flokët, që i kanë dalë thinjat. Plak i thinjur. Plakë e thinjur. Me kokë (me flokë) të thinjur. Me mustaqe të thinjura.
✱Sin.: thinjak, thinjosh, i përthinjur, i përthimë, i zbardhur, i bardhë, bardhosh, çil, çilash, i çilur, qimezbardhur, qimebardhë, qimethinjur, qimehirtë, flokargjend, kryethinjur, kokëthinjur, perçethinjur, i përthinjur, i hirtë, i përhimë, i pahitur, i përhitur.

THINJË

THÍNJ/Ë,~A f. kryes. sh. ~A, ~AT 1. Qime të zbardhura krejt në flokë, në mjekër, në mustaqe etj.; qime të bardha (zakonisht kur njeriu plaket). I kanë dalë thinjat. I është mbushur koka me thinja. I shkuli një thinjë.
2. si mb. Që e ka qimen si të përhitur në të bardhë (për kafshët). Dele thinjë.
♦ Më dolën thinjat (qimet e bardha). 1. shih më doli mjekra. 2. Jam lodhur e jam munduar shumë; kam hequr keq, sa jam plakur; më nxori thinjat (dikush a diçka). Më nxori thinjat (dikush a diçka) më mundoi a më lodhi shumë, më plaku para kohe; më dolën thinjat. Ia qet thinjat edhe thiut (dikush) e mundon jashtë mase; e plak para kohe; i plas shpirtin (dikujt).

VRISHTË

VRÍSHTË (i, e) mb. I vrishëm, me ngjyrë si të hirit, i hirtë. Maçok (qen) i vrishtë. Mace e vrishtë.
✱Sin.: i përhimët, i përhitur, kërr, i grizhëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë