Fjalori

Rezultate në përkufizime për “përgjues”

Mëso si ta përdorësh
<<< Kthehu te kërkimi kryesor në fjalor

AJGËTUES

AJGËTÚES,~I m. sh. ~, ~IT Përgjues nga larg.

FINAK

FINÁK,~E m. sh. ~Ë, ~ËT 1. Spiun; përgjues. Pa atë finakun pas pemëve.
2. Ai që fut hundët kudo. Finaku e kishte bezdisur.
3. Vjedhës, hajdut. E kapën finakun më në fund.
✱Sin.: spiun, përgjues, vjedhës, hajdut.

NGOJUES

NGOJÚES,~I m. sh. ~, ~IT 1. Përgojues, përgjues.
2. Akuzues.

PËRGJIMTAR

PËRGJIMTÁR,~I m. sh. ~Ë, ~ËT Përgjues; spiun. Përgjimtarë shpirtvegjël.

PËRGJUES

PËRGJÚES,~I m. sh. ~, ~IT 1. Ai që përgjon dikë a diçka; ai që ngarkohet me një detyrë të tillë. Dërgoi përgjues në çdo anë (kudo).
2. Pajisje e veçantë që përdoret për të përgjuar.
3. Pajisje e vogël që mund t’i vendoset dikujt a të vendoset diku në një vend të fshehtë për ta përgjuar; çimkë. Përgjues telefoni (celulari).
✱Sin.: vëzhgues, mbikëqyrës, survejues, spiun.

PËRGJUES

PËRGJÚES,~E mb. Që përgjon. Mjet përgjues. Aparaturë përgjuese. Makinë përgjuese. Kamera përgjuese.

SURVEJUES

SURVEJÚES,~E mb. Përgjues. Avion survejues. Kishin marrë një aparat survejues. Kishin përdorur disa teknika survejuese. Punonte në një institucion survejues.
✱Sin.: ndjekës, mbikëqyrës.

SURVEJUES

SURVEJÚES,~I m. sh. ~, ~IT Përgjues. Ai ishte një survejues me përvojë. Arriti ta shmangte survejuesin.
✱Sin.: ndjekës, mbikëqyrës.

VROJTUES

VROJTÚES,~E mb. 1. Që është caktuar për të vrojtuar, që vrojton. Ushtari vrojtues.
2. Që shërben për të vrojtuar. Kullë (pikë) vrojtuese.
✱Sin.: vëzhguese, këqyrës, mbikëqyrës, përgjues.

VROJTUES

VROJTÚES,~I m. sh. ~, ~IT 1. Ai që është caktuar për të vrojtuar, ai që bën vrojtime; vëzhgues. Vrojtues kufitar. Vrojtues i stacionit meteorologjik. Caktuan një vrojtues.
2. spec. Aparat i posaçëm që ndjek e përcakton diçka.
✱Sin.: vëzhgues, këqyrës, mbikëqyrës, përgjues.

VËREJTËS

VËRÉJTËS,~E mb. Që vëren, që sheh me kujdes e me një qëllim a synim të caktuar dikë a diçka; që është i vëmendshëm, vëzhgues. Djalë vërejtës. Vajzë (grua) vërejtëse.
✱Sin.: vëzhgues, vrojtues, mbikëqyrës, këqyrës, përgjues, roje, rojtar.

VËREJTËS

VËRÉJTËS,~I m. sh. ~, ~IT Ai që vëren, që sheh me kujdes e me një qëllim a synim të caktuar dikë a diçka; që është i vëmendshëm; vëzhgues Ai vërejtësi është shumë i kujdesshëm.
✱Sin.: vëzhgues, vrojtues, mbikëqyrës, këqyrës, përgjues, roje, rojtar.

VËZHGUES

VËZHGÚES,~E mb. 1. Që ka aftësinë për të vëzhguar e për të vënë re hollësi të vogla të ngjarjeve, të dukurive etj.; që depërton në gjërat, depërtues, i mprehtë. Njeri vëzhgues. Shikim (vështrim) vëzhgues. Me sy vëzhgues.
2. usht. Që është i caktuar për të vëzhguar dikë a diçka, i ngarkuar të vëzhgojë. Pikë (kullë) vëzhguese. Aeroplan vëzhgues. Anije vëzhguese.
✱Sin.: vrojtues, mbikëqyrës. këqyrës, përgjues, depërtues.

VËZHGUES

VËZHGÚES,~I m. sh. ~, ~IT 1. Ai që vëzhgon dikë a diçka. Vëzhgues i vëmendshëm.
2. Ai që është ngarkuar me një detyrë të veçantë për të vëzhguar diçka, ai që bën vëzhgime në një fushë të caktuar të veprimtarisë a që ndjek çështje të caktuara. Vëzhgues politik (ekonomik, diplomatik, ushtarak, shkencor). Marr pjesë si vëzhgues. Vëzhguesit ndërkombëtarë. Vëzhguesit i zgjedhjeve.
3. Ai që është ngarkuar të bëjë komentet në media, në një gazetë a revistë për çështje të caktuara. Komenti i vëzhguesit. Siç vënë në dukje vëzhguesit e gazetave...
✱Sin.: vrojtues, mbikëqyrës. këqyrës, përgjues, depërtues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë