Fjalori

Rezultate në përkufizime për “përgjakem”

Mëso si ta përdorësh
<<< Kthehu te kërkimi kryesor në fjalor

GJAKOSEM

►GJAKÓSEM jovep., ~A (u), ~UR 1. vetv. Bëhem me gjak, përgjakem. U gjakosa në këmbë. I është gjakosur plaga. Iu gjakos veshi (faqja).
2. vetv., fig. Përleshem, kacafytem, luftoj ashpër me dikë. U gjakosën keqas.
3. vetv., vet. v. III. Njolloset a përlyhet diçka me gjak, bëhet diçka me gjak, përgjaket. I qe gjakosur këmisha. Edhe flokët ishin gjakosur.
4. pës. e GJAKÓS. Gjakosem nga ferrat.
✱Sin.: përgjakem, gjakësohem, lakanisem, lakërohem, përleshem, kacafytem, njollosem, përlyhem.

GJAKËSOHEM

►GJAKËS/ÓHEM jovep., ~ÓVA (u), ~ÚAR vetv. 1. Përgjakem. U gjakësua prej një plumbi qorr.
2. etnogr. Bie në gjak me dikë, bëhem hasm me dikë; hasmërohem (sipas zakonit të hakmarrjes). U gjakësuan për hiçgjë.
✱Sin.: përgjakem, gjakosem, armiqësohem, hasmërohem.

HARAKUQEM

►HARAKÚQ/EM jovep., ~A (u), ~UR krahin. 1. vetv. vet. v. III Përskuqet, rreshket mishi në hell. U harakuq mishi.
2. vetv. Thekem a ngrohem pranë zjarrit.
3. vetv. Rrokullisem a rrëzohem nga një vend i lartë dhe përgjakem. U harakuq në një rripë. Harakuqej nëpër gurë.
4. pës. e HARAKÚQ1.
✱Sin.: përskuqet, rreshket, thekërrohem, ngrohem, rrotullohem, rrokullisem, rrëzohem, përgjakem.

PËRGJAKJE

PËRGJÁKJ/E, ~A f. sh. ~E, ~ET 1. Veprimi kur përgjak dikë apo diçka ose kur përgjakem.
2. Betejë a ndeshje e përgjakshme me dikë, përleshje, gjakderdhje. Përgjakje të ashpra për liri. Në përgjakje me pushtuesit.
3. etnogr. Flijim.
✱Sin.: gjakosje, gjakderdhje, rrethprerje, synetim, përleshje, skuqje, flijim.

PËRGJAKOSEM

►PËRGJAKÓS/EM jovep., ~A (u), ~UR 1. vetv. Gjakosem a përgjakem shumë. U përgjakos e u lëndua keqas.
2. pës. e PËRGJAKÓS.

PËRLESHEM

►PËRLÉSH/EM jovep., ~A (u), ~UR vetv. 1. Zihem fytafyt me dikë, kapem e ndeshem keq me dikë, përfytem, kacafytem. U përleshën keq. U përleshën kalamajtë.
2. Hyj në luftë me dikë, bëj luftë të hapur e të vendosur, luftoj për jetë a për vdekje me një armik; përfytem, kacafytem. U përleshën ashpër (trup me trup). U përleshem me armë.
3. fig. Luftoj me vendosmëri e me guxim për të mposhtur një pengesë a vështirësi etj. Përleshem me guxim me vështirësitë (me thatësirën, me kushtet e këqija atmosferike). Përlesheshin me përmbytjet.
✱Sin.: kacafytem, përfytem, përlëfytem, mbërthehem, përlahem, zihem, kërleshem, rrokem, kapem, rrihem, ndeshem, mbrehem, përsheshem, qepem, gramshaleshem, përpiqem, përgjakem, grindem, fytafytem, goditem, grihem, luftoj, gjelafytem, qepërohem, zatetem.

RRETHPRITEM

►RRETHPR/ÍTEM jovep., ~EVA (u), ~ERË pës. Pres lafshën e organit mashkullor, bëhem synet, përgjakem. Ishte rrethprerë që kur ishte fëmijë i vogël.
✱Sin.: synetohem, përgjakem, gjakosem.

THEREM

►THÉR/EM jovep., ~A (u), ~UR 1. vetv. Zihem, përgjakem e vritem me dikë me thika, me shpata etj., pritem me dikë. U vranë e u therën. U therën me thika.
2. vetv. Ther veten me thikë, me kamë etj. Therem po s'qe kështu jam plotësisht i sigurt a i bindur që do të jetë kështu, shpoj veten po nuk qe kështu, e pres kokën po nuk qe kështu.
3. vetv. Pritem me diçka që ka majë të mprehtë. U thera me gjilpërë.
4. vetv., fig. Zihem e grindem keq me fjalë me dikë. U therën me shoku-shokun. U therën me fjalë. U therën e u grinë.
5. pës. e THER.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë