Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
MÁS/Ë,~AII f. sh. ~A, ~AT 1. Veprim a mënyrë veprimi, urdhër a udhëzim i nevojshëm për t’ia arritur një qëllimi të caktuar. Masë e rëndësishme (e shpejtë, e ngutshme, e drejtë, e rreptë). Masa konkrete (praktike, energjike, rrënjësore, përgatitore). Masa organizative. Masa lehtësuese. Masat e nevojshme. Masa mjekësore (higjienike, parandaluese, parambrojtëse). Masa sigurimi. Plani i masave. Marr masa.
2. Veprim ndëshkues a dënim që përdoret si mjet edukimi ndaj dikujt. Masë disiplinore (ndëshkimore). Morën masë kundër tij.
✱Sin.: veprim, urdhër, ndëshkim, dënim.
PUNÍM,~I m. sh. ~E, ~ET 1. Veprimi kur punoj ose kur punohet diçka. Punim i thellë (i cekët). Punimi i tokës. Punimi i ftohtë i metaleve. Punimi i bulmetit (i hekurit, i mëndafshit, i lëkurëve, i baltës).
2. Puna që kryen një mekanizëm, një organ i trupit etj.; veprimtari. Punimi i motorit. Punimi i tornos. Punimi i zemrës. Vë në punim makineritë.
3. Puna që bën dikush për të prodhuar diçka, për të ndërtuar, për të krijuar etj. Punime përgatitore.
4. Puna që kryen dikush në një fushë të caktuar; lloj i caktuar pune. Punime artistike. Punime bujqësore. Punime ndërtimi. Punime druri. Punime dheu.
5. vet. sh. Veprimtaria që kryhet gjatë një mbledhjeje, një kongresi etj. Punimet e kongresit (e kuvendit kombëtar). Morën pjesë në punimet e konferencës.
6. Ajo që prodhon a që bën dikush gjatë procesit të punës, fryti i punës; punë, vepër; studim. Punim shkencor. Punim vjetor. Punim diplome (masteri, doktorate). Punim në allçi (në gips). Punim me bojëra vaji. Punim me vlerë. Diskutimi i punimit.
✱Sin.: lëvrim lërim, përpunim, përdorim, punë, punesë, funksionim, vepër, studim, prodhim, zbërthim, shpjegim, veprimtari, trajtesë, artikull, sprovë.
PËRGATITÓR,~E mb. 1. Që bëhet para se të fillojë mirë një punë a një veprimtari; që bëhet më parë për të ndihmuar që të fillojë mbarë e të kryhet mirë diçka, që bëhet për t’u përgatitur. Fazë përgatitore. Punë përgatitore. Masa përgatitore. Seancë përgatitore (drejt.).
2. vjet. Që shërbente për të përgatitur fëmijët para se të fillonin mësimin e rregullt. Shkollë (klasë) përgatitore.
PËRGATITÓR/E, ~JA f. sh. ~E, ~ET vjet. Shkollë përgatitore.
✱Sin.: përgatitës, gatitor, paraprak, stërvitor, parapërgatitor.
PËRGATÍTËS,~I m. sh. ~, ~IT Ai që përgatit diçka, ai që kryen disa punë përgatitore. Përgatitësi i gjimnasteve të reja.
PËRGATÍTËS,~E mb. Që përgatit diçka; që merret me punë përgatitore; përgatitor. Komision përgatitës.
PËRGATÍTËS/E,~JA f. sh. ~E, ~ET Ajo që përgatit diçka, ajo që kryen disa punë përgatitore. Përgatitëset e modeleve të reja. Përgatitëset e gjimnasteve të vogla.
SKIC/ÓJ vep., ~ÓVA, ~ÚAR kal. 1. Vizatoj diçka duke paraqitur vetëm tiparet kryesore; bëj një vizatim me disa vija kryesore, si punë paraprake e përgatitore për ta plotësuar më pas. Skicoi një portret (një tablo). Skiconte me laps fytyrën e një punëtori. Kishte skicuar pamje nga jeta në fshat.
2. Bëj skicën e diçkaje, bëj vizatimin me pak vija të një sendi, pajisjeje etj., që përmban të dhënat e nevojshme për ta prodhuar. Skicoi pjesët e ndërrimit. Pati skicuar një galeri arti.
3. Paraqit diçka në tiparet kryesore e në vijat më të përgjithshme. Skicuan një fermë.
✱Sin.: përvijoj, projektoj, paraqit.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë