Fjalori

Rezultate në përkufizime për “përgënjeshtrim”

Mëso si ta përdorësh
<<< Kthehu te kërkimi kryesor në fjalor

ANTROPOMORFIST

ANTROPOMORFÍST,~I m. sh. ~Ë, ~ËT filoz., mit. 1. Specialist i antropomorfizmit; ai që merret me antropomorfizmin. Antropomorfist i shquar. Në artin e tij shfaqet si antropomorfist.
2. Ai që beson se hyjnitë kanë trajtën, tiparet dhe cilësitë e njeriut. Përgënjeshtrim i antropomorfistëve. Përfytyrim i antropomorfistëve.

JUSTIFIKIM

JUSTIFIKÍM,~I m. sh. ~E, ~ET 1. Përligjje, shfajësim, përgënjeshtrim. Fryma e justifikimit.
2. Provë, dëshmi a vërtetim për diçka; ajo që themi për të justifikuar diçka; përligjje, shfajësim. Justifikim pa baza. Shërben si justifikim. Nxjerr (gjen) justifikime.
✱Sin.: përligjje, shfajësim, përgënjeshtrim.

PËRGËNJESHTRIM

PËRGËNJESHTRÍM,~I m. sh. ~E, ~ET 1. Veprimi kur përgënjeshtroj ose kur përgënjeshtrohet diçka.
2. Pohim, thënie a shkrim që hedh poshtë ose mohon diçka të shpallur më parë si të vërtetë, mohim. Përgënjeshtrimi i një lajmi (i një shpifjeje). Bëri një përgënjeshtrim në medie.

PËRGËNJESHTRUES

PËRGËNJESHTRÚES,~I m. sh. ~, ~IT Ai që bën një përgënjeshtrim. Përgënjeshtrues i pretendimeve.

PËRGËNJESHTRUES

PËRGËNJESHTRÚES,~E mb. Që përgënjeshtron, që bën një përgënjeshtrim. Deklaratë (dalje) përgënjeshtruese. Video përgënjeshtruese. Fushatë përgënjeshtruese.

PËRGËNJESHTRUESE

PËRGËNJESHTRÚES/E,~JA f. sh. ~E, ~ET Ajo që bën një përgënjeshtrim.

SHFAJËSIM

SHFAJËSÍM,~I m. sh. ~E, ~ET 1. Veprimi kur bëjmë përpjekje për të provuar pafajësi ose mungesën e fajit, mënyra si e bëjmë këtë veprim. Përpjekje për shfajësim. E bëri për shfajësim. Shfajësim bindës. Shfajësim i pjesshëm.
2. Shpjegime me gojë a me shkrim që sjellim te dikush për të çliruar dikë nga një faj, për t’ia lehtësuar gabimin ose për t’i dhënë të drejtë për diçka që ka bërë, shkarkim. Shfajësimi i dhunës. Gjen shfajësime. I ka shfajësimet në majë të gjuhës. E përdori si shfajësim.
3. drejt. Pafajësi. Mbrojtja kërkoi shfajësim për të pandehurin. Avokati solli argumentet për shfajësim. Gjykata rrëzoi vendimin për shfajësim.
3. fet. Marrja e faljes nga Zoti; shpengim, shpëtim. Morën shfajësim për mëkatin e tyre.
✱Sin.: justifikim, përgënjeshtrim, shkarkim, shkarki, larje, lirim, pafajësi.

ZHVËRTETIM

ZHVËRTETÍM,~I m. Veprimi kur hedh poshtë si të pabazuar a si të gënjeshtërt një lajm, një njoftim, një vendim etj.; përgënjeshtrim; kund. vërtetim. Zhvërtetimi i lajmit (i vendimit).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë