Fjalori

Rezultate në përkufizime për “përdhunuar”

Mëso si ta përdorësh
<<< Kthehu te kërkimi kryesor në fjalor

PËRDHUNUAR

PËRDHUNÚAR (i, e) mb. 1. Që ka bërë diçka kundër dëshirës e vullnetit të tij, i shtrënguar me forcë nga dikush; i dhunuar. Nxënës të dhunuar. Punonjës të dhunuar.
2. Që është penetruar seksualisht me dhunë e pa dëshirën e pëlqimin e tij; i çnderuar. Emigrante të përdhunuara. Djem të përdhunuar. Fëmijë të përdhunuar.
3. Që është penetruar seksualisht kur ka qenë i pavetëdijshëm ose kur vuan nga një sëmundje psikike etj.; i abuzuar. E sëmurë e përdhunuar.
4. fig. Që është shkelur dhe është marrë nëpër këmbë; i nëpërkëmbur. Varr i përdhunuar. Të drejta të përdhunuara.
5. fig. Që nuk është ndërtuar sipas rregullave a normave të caktuara; që nuk është më në natyrën e vet, jo i natyrshëm. Vargje të përdhunuara.
✱Sin.: i çnderuar, e zhvirgjëruar, i çnjerëzuar, i dhunuar, i turpëruar, i prishur, i shtrënguar, i shkelur, i nëpërkëmbur.

SHKELUR

SHKÉLUR (i, e) mb. 1. Që është shkelur, që është ngjeshur a është shtypur me këmbë. Këpucë të shkelura. Bar i shkelur. Borë e shkelur. I shkelur me këmbë.
2. Që kanë kaluar mjaft herë njerëz e kafshë (mbi një vend, mbi një sipërfaqe etj.); i tillë, ku ka shkuar njeriu; kund. i pashkelur. Vend i shkelur. Krahina të shkelura.
3. fig. Që njihet nga njerëzit; i njohur. Nëpër udhë të shkelura.
3. Që është rrahur në dërstilë; i dërstilur. Shajak i shkelur.
4. fig. Që është pushtuar nga një ushtri e huaj, i vënë nën sundim nga një shtet tjetër. Tokat (vendet, trojet) e shkelura. Vatrat e shkelura.
5. Që i është mohuar një e drejtë. Barazi e shkelur. E drejtë e shkelur.
6. Që është i korruptuar. Politikan i shkelur. Zyrtare e shkelur.
7. Që është i fyer, që i është shkelur fjala në kuvend, që nuk është respektuar. Burrë i shkelur.
✱Sin.: i shtypur, i përdhunuar, i pushtuar, i shituar, i korruptuar.
♦ Rrugë (udhë) e shkelur (e rrahur). I shkelur në *dërstilë. *Shtigje të shkelura (të rrahura).

ZHVIRGJËROJ

ZHVIRGJËR/ÓJ vep., ~ÓVA, ~ÚAR kal. 1. I prish virgjërinë një vajze.
2. I marr nderin një femre duke e përdhunuar, çnderoj. Haxhia ia ka lanë të vëllait gruen amanet. Ky mundohet me e zhvirgjërue me zor, por nuk ka mujtë. (folk.).

ZHVIRGJËRUAR

ZHVIRGJËRÚAR (i, e) mb. 1. Që është zhvirgjëruar, që e ka humbur virgjërinë; e prishur. Vajzë e zhvirgjëruar.
2. edhe fig. E çnderuar, e përdhunuar. Cuca, e zhvirgjëruar shtazërisht, u ngujua në kullë e s’doli prej andej tërë jetën.

ÇNDERUAR

ÇNDÉRUAR (i, e) mb. 1. Që ka humbur nderin, që është turpëruar ose është poshtëruar, që është çnderuar; kund. i nderuar. Njeri i çnderuar. Bajraktari i çnderuar u nis për në qytet. Të çnderuar politikanë.
2. Që është përdhunuar. Vajzë (grua) e çnderuar. Të çnderuara dhe të braktisura nga familjet.
✱ Sin.: i njollosur, i turpëruar, i poshtëruar, i përdhunuar.

ÇNJERËZUAR

ÇNJERËZÚAR (i, e) mb. Që i ka humbur vetitë njerëzore, që është çnjerëzuar; kund. i njerëzuar. Në gjendje të çnjerëzuar. Qenie të çnjerëzuara. Ka privatizuar shtetin me një pushtet të çnjerëzuar. Viktimat e dhunës janë të çnjerëzuara.
✱ Sin.: i kafshëruar, i shtazëruar, i çnderuar, i përdhunuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë