Fjalori

Rezultate në përkufizime për “përdhunim”

Mëso si ta përdorësh
<<< Kthehu te kërkimi kryesor në fjalor

DHUNI

DHUNÍ,~A f. sh. ~, ~TË Dhunë, fyerje, përdhunim. Gjithë ato dhuni që hoqën. Këtë dhuni të shëmtuar. Botoi dhuni e të fyera kundër kishës.

MARRIM

MARRÍM,~I m. sh. ~E, ~ET 1. Turpërim, koritje. Një marrim i padurueshëm.
2. Dhunim, përdhunim.

MUJSHIM

MUJSHÍM,~I m. 1. Përdorim i forcës ndaj dikujt tjetër; dhunim. Luftoj mujshimin.
2. Përdhunim.

PËRDHUNI

PËRDHUNÍ,~A f. sh. ~, ~TË Përdhunë; përdhunim, dhunë.

PËRDHUNËSI

PËRDHUNËSÍ,~A f. Përdhunë, përdhunim. Vendosi me përdhunësinë e imagjinatës së shfrenuar.

SHKELJE

SHKÉLJ/E,~A f. sh. ~E, ~ET 1. Veprimi kur shkel dikë a diçka ose kur shkelim; prekje, shtypje. Shkelja e barit e dëmtoi fushën e futbollit.
2. Gjendja kur zëmë nën vete dikë a diçka. Akoma i kujtohej shkelja e këmbës.
3. Veprimi kur shtypim rrushin, ullinjtë etj. Ishte koha e shtypjes së rrushit. Shtypja e ullinjve i mora shumë kohë.
4. Rrahja në dërstilë e shajakut, e velenxave etj. Shkelja e shajakut duhet bërë në kohën e duhur.
5. Pushtimi i një vendi nga të huajt. Shkelja e vatanit.
6. Dhunim a cenim i normave, i ligjit etj.; veprim në kundërshtim me traditat, zakonet e vendit; kund. respektim. Shkelje e lehtë (e rëndë, e hapët). Efektet e shkeljeve. Shkelje e fshehtësisë së votimit. Shkelje e sovranitetit. Shkelje financiare. Shkelja e afateve. Shkelje disiplinore (drejt.) shkelje të së drejtës që bën një nëpunës gjatë kryerjes së veprimtarisë së tij zyrtare. Shkelje e së drejtës (drejt.) veprimet e shtetasve ose të personave zyrtarë, që janë në kundërshtim me ligjin, me normën juridike. Shkelje juridiko-civile (drejt.) cenim i normave që rregullojnë marrëdhëniet dhe interesat e institucioneve, të organizatave dhe të shtetasve.
7. Pllenim i shpendëve. Shkelja e pulave nuk ishte bërë, sepse nuk kishte gjel.
✱Sin.: shtypje, ndrysje, dërstilim, hekurosje, arritje, shitim, pllenim, dhunim, përdhunim, cenim, prishje, thyerje, mosrespektim, shmangie, pushtim, mbyllje.

TURPËRIM

TURPËRÍM,~I m. 1. Të bërët me turp, koritje. Turpërim i familjes. Ç’qe ai turpërim që i bëri në sy të botës?
2. Çnderim, përdhunim. Dikur, turpërimi i gruas zgjidhej sipas kanunit. Me këtë turpërim që i ndodhi, nuk ngre më kokë.

ÇNDERIM

ÇNDERÍM,~I m. sh. ~E, ~ET Veprimi kur çnderoj dikë apo kur çnderohem; kund. nderim. Arroganca çon në çnderim. E akuzuan për çnderim. Kanë pësuar lloj-lloj çnderimesh.
✱ Sin.: çnjerëzim, përdhunim, turpërim, poshtërim.

ÇNJERËZIM

ÇNJERËZÍM,~I m. Veprimi kur çnjerëzoj dikë ose kur çnjerëzohem; kund. njerizim. Çnjerëzimi që i ka sjellë shoqërisë kjo politikë. Pasoja ishte çnjerëzimi i njeriut. Durimi i pafund do të thotë çnjerëzim i pafund.
✱ Sin.: çnderim, përdhunim, kafshërim, çnjerizim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë