Fjalori

Rezultate në përkufizime për “përbetohem”

Mëso si ta përdorësh
<<< Kthehu te kërkimi kryesor në fjalor

BETOHEM

►BET/ÓHEM jovep., ~ÓVA (u), ~ÚAR vetv. 1. Përmend një gjë të shtrenjtë a të shenjtë për ta siguruar dikë se them të vërtetën ose se do ta kryej diçka patjetër, bëj be, përbetohem, përbehem; premtoj me be. Betohej para familjes. U betua seriozisht. Betohem për të vërtetën. - Betohem për sytë e ballit!
2. Premtoj në mënyrë solemne për të kryer një detyrë ose për të vepruar në përputhje me ligjin, bëj betimin. Betohem para Kuvendit. Betohem para flamurit. U betua para trupit gjykues.
3. Jap besën, lidhem me besë së bashku me të tjerë për të kryer diçka. U betuan për çlirimin e atdheut (për liri). - Betohem para shqiptarëve!
4. I lutem shumë dikujt për të bërë diçka duke e vënë në be, i përbehem, i përbetohem.

PËRBEHEM

►PËRBÉH/EM jovep., ~VA (u), ~RË vetv. 1. Betohem para dikujt, zakonisht për ta siguruar se do ta bëj patjetër diçka; bëj be për dikë a për diçka; betohem. U përbe se do t’i zhdukte.
2. I kanosem dikujt. Iu përbe disa herë.
3. I lutem shumë dikujt për diçka, e lidh me be, i lutem me be e rrufe, përbej. Mbetsh pa mua! - iu përbe e motra.
✱Sin.: betohem, kërcënohem, përgjërohem, përbetohem, lutem.

PËRBETIM

PËRBETÍM,~I m. sh. ~E, ~ET 1. Veprimi kur përbetoj ose kur përbetohem.
2. Fjalët që thuhen kur përbetohemi; betim. Përbetime të zjarrta.
3. Marrëveshje e fshehtë e një grupi të vogël njerëzish, që lidhen me besë kundër dikujt ose për të rrëzuar me dhunë një qeveri etj.; komplot. Përbetim i rrezikshëm.
✱Sin.: betim, përgjërim, kërcënim, komplot, kërcënim, kanosje, besë, marrëveshje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë