Fjalori

Rezultate në përkufizime për “përçartur”

Mëso si ta përdorësh
<<< Kthehu te kërkimi kryesor në fjalor

KLLAPITUR

KLLAPÍTUR (i, e) mb., bised. 1. Që është kllapitur, që ka rënë në kllapi. Njeri (fëmijë) i kllapitur. 2. Që është gëlltitur menjëherë; i gëlltitur. Copë (buke, molle) e kllapitur.
✱Sin.: i përhumbur, i përçartur, i gëlltitur, i përhumbur.

PËRHUMBUR

PËRHÚMBUR (i, e) mb. 1. Që është tërhequr e është dhënë aq shumë pas dikujt a pas diçkaje, saqë e ka humbur mendjen e nuk vë re se ç’bëhet rreth e rrotull; i zhytur thellë në diçka, i përqendruar shumë diku, i harruar. I përhumbur në kujtimet e rinisë. Rrinte (vështronte) si i përhumbur.
2. Që nuk e ka mendjen të përqendruar, i hutuar; që shpreh hutim a përhumbje. Me sy të përhumbur. Shtirej si njeri i përhumbur.
3. Që ka humbur vetëdijen, që nuk ndien e nuk kupton ç’bëhet përreth. I përhumbur në kllapi. Ishte i përhumbur, nuk i njohu shokët.
4. Shumë i largët dhe i shkëputur nga qendrat me rëndësi ose qendrat e tjera të banimit; i humbur, i harruar; që jeton shumë larg të tjerëve e pa pasur lidhje me ta, që nuk dihet a është gjallë apo jo dhe në ç’gjendje ndodhet. Në ca fshatra të përhumbura. Njerëz të përhumbur nëpër kurbete.
✱Sin.: i humbur, i hutuar, i harruar, i zhytur, i thelluar, i shpërqendruar, i përçartur, i shkëputur, i largët.

PËRÇARTSHËM

PËRÇÁRTSH/ËM (i), ~ME (e) mb. I përçartur. Fushatë e përçartshme.

PËRÇARTUR

PËRÇÁRTUR (i, e)I mb. Që është përçartur. Plakë e përçartur. I përçartur nga mendja i shkalluar, i krisur.

SHASTISUR

SHASTÍSUR (i, e) mb. 1. Që i është prishur mendja, që është hutuar fare, i trullosur; i habitur shumë, që ka mbetur pa mend; i shushatur, shushamen, shushaq. E ndoqi me sy të shastisur. Mbetëm (qëndruam) të shastisur. Po vështronte si i shastisur. I shikonte njerëzit i shastisur.
2. keq. I ngathët nga mendja e hutaq, i humbur. - Nuk është e shtunë sot, ore i shastisur! Është i shastisur ai njeri.
✱Sin.: i shushatur, i trullosur, shushaq, brezhumbur, pikërënë, i hutuar, hutaq, i humbur, i përçartur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë