Fjalori

Rezultate në përkufizime për “ozon”

Mëso si ta përdorësh
<<< Kthehu te kërkimi kryesor në fjalor

ALOTROPI

ALOTROPÍ,~A f., fiz. Veçori e materies, e lëndës ose e elementeve të ndryshme për t’u shfaqur në forma krejtësisht të tjera. Alotropia e karbonit shfaqja e karbonit si grafit dhe si diamant. Karboni ka alotropi të lartë. Alotropia e oksigjenit shfaqja e oksigjenit si oksigjen i zakonshëm dhe si ozon.

AUTOHEMOTERAPI

AUTOHEMOTERAPÍ,~A f. sh. ~, ~TË mjek. Procedurë mjekësore që përfshin marrjen e gjakut të një individi nga venat e tij dhe më pas injektimin e tij në trupin e një pacienti tjetër në mënyrë intramuskulare për të stimuluar sistemin imunitar të organizmit, për të përmirësuar aftësitë e trupit dhe për të luftuar infeksionet ose sëmundjet. Metoda të autohemoterapisë. Trajtimi i alergjive stinore përmes autohemoterapisë. Autohemoterapia ozonike trajtimi i gjaku të pacientit me ozon para se të injektohet sërish.

OZON

OZÓN,~I m., kim. Gaz pa ngjyrë, me erë të fortë e të pakëndshme, i cili ka veti oksiduese dhe përdoret për të pastruar mirë plagët ose sendet e tjera. Ozon i gaztë (i lëngët). Shtresë ozoni.

OZONIZUAR

OZONIZÚAR (i, e) mb., kim. Që është i trajtuar me ozon; që është i ngopur a i bashkuar me ozonin, një substancë, zakonisht një lëng, për qëllime dezinfektimi, oksidimi apo pastrimi. Uji i pijshëm i ozonizuar. Ajri në sallat e operacionit është i ozonizuar.

OZONIZUES

OZONIZÚES,~E mb., kim. Që prodhon ozon apo që lidhet me përdorime të ozonit. Sistem ozonizues. Gaz ozonizues. Filtër ozonizues. Teknologji (pajisje ) ozonizuese.

TERAPI

TERAPÍ,~A f. sh. ~, ~TË 1. mjek. Trajtim apo ndërhyrje që ka për qëllim shërimin ose lehtësimin e një sëmundjeje; trajtim mjekësor për të shëruar, kuruar a lehtësuar sëmundjen e një të sëmuri; trajtim terapeutik për të ndihmuar dhe përmirësuar shëndetin; pjesë e mjekësisë që merret me trajtimin e sëmundjeve pa kirurgji. Terapi me ultratinguj. Terapi me ozon. Terapi kundër dhembjeve kronike. Terapia fizike. Filloi terapinë. Terapi intensive.
2. psikol. Proces ndërhyrjeje profesionale për të përmirësuar gjendjen mendore, emocionale ose sjellore të një individi; psikoterapi. Terapi konjitive. Terapi familjare. Terapi në grup. Terapi e sjelljes.

TROPOSFERIK

TROPOSFERÍK,~E mb. Që ka të bëjë me troposferën, i troposferës. Ozon troposferik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë