Fjalori

Rezultate në përkufizime për “ormi”

Mëso si ta përdorësh
<<< Kthehu te kërkimi kryesor në fjalor

BLATË

BLÁT/Ë,~AI f. sh. ~A, ~AT 1. fet. Vulë prej druri, e gdhendur me figura, për të shënuar meshën përsipër; shkrolës. Blata e meshës. I vuri blatën.
2. fet. Kulaç i grunjtë që çojnë besimtarët në kishë; bukë meshe, mblatë, mblatës. Blatë për meshë. Shkoi për të bërë një blatë për nder.
3. Dhuratë; lëmoshë. Mori një blatë nga vëllai. Blata e të varfërve për Pashkë.
✱Sin.: mblatë, mblatës, dhuratë, dhurëti, e dhënë, mitëri, kanisk, blatim, pekuli, darovë, ormi.

ORMI

ORMÍ,~A f. sh. ~, ~TË bised. 1. Përgatitja që bëhet për raste të shënuara a të jashtëzakonshme. Ormitë e dasmës. Ormitë e luftës. Bënë ormi u përgatitën për diçka.
2. Dhuratë që i çohet dikujt në dasmë a në raste të tjera gëzimi. Ormitë e nuses (e dhëndrit). Vajti me ormi. I çoi ormi për djalin.
✱ Sin.: përgatitje, dhuratë, dhurëti.

ORMISJE

ORMÍSJ/E,~A f. sh. ~E, ~ET bised. Veprimi kur përgatitem e bëhem gati për diku; vënie në rregull; stolisje, zbukurim. Ormisja e shtëpisë (dhomës, dollapit). Ormisja për rrugë (për punë).Ormisja e nuses.
✱ Sin.: përgatitje, ormi, rregullim, zbukurim, stolisje.

PËRGATITJE

PËRGATÍTJ/E,~A f. sh. ~E, ~ET 1. Veprimi kur përgatit dikë apo diçka ose kur përgatitem. Përgatitja për punë e rrjetit kompjuterik. Përgatitja e financierëve të rinj. Përgatitja e grupeve artistike.
2. kryes. sh. Masat paraprake që ndërmerren para se të fillojë një punë a të nisë një veprimtari; gjithçka që sigurohet para se të nisë një punë. Përgatitje serioze (të ethshme). Përgatitjet për festivalin (për turin nëpër trojet shqiptare).
3. Sasia e cilësia e njohurive dhe e shprehive që ka fituar dikush, duke ndjekur një shkollë, duke mësuar vetë etj. Ka përgatitje të mirë (të shëndoshë).
4. usht. Mësim ushtarak që pajis luftëtarin me njohuri të veçanta në një fushë të caktuar. Përgatitje rreshtore. Përgatitje kimike (xheniere). Bënë dy orë përgatitje taktike. Përgatitje artilerie (usht.) goditje me artileri e një zonë luftimi, para se të sulmojë këmbësoria.
✱Sin.: gatitje, ormisje, gati, ormi, formim, rregullim, brumosje, aftësim, kalitje, brumë, formim, stërvitje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë