Fjalori

Rezultate në përkufizime për “orkestral”

Mëso si ta përdorësh
<<< Kthehu te kërkimi kryesor në fjalor

FORMACION

FORMACIÓN,~I m. sh. ~E, ~ET 1. Shkallë a etapë e caktuar në zhvillimin historik e shoqëror të njerëzimit; rend. Formacion ekonomikoshoqëror (ek.), (filoz.) rend ekonomikoshoqëror, sistem ekonomikoshoqëror.
2. gjeol. Tërësia e shtresave të tokës, që janë formuar në kushte të njëjta gjeologjike; që kanë të njëjtën prejardhje dhe përbërje. Formacione gëlqerore.
3. usht. Nënrepart, repart ose tërësi repartesh (grup repartesh) të së njëjtës armë, së bashku me mjetet përkatëse të luftimit; mënyra e vendosjes a e grupimit të këtyre forcave (trupave) e mjeteve. Formacioni i luftimit. Formacion aeroplanësh.
4. Mënyra e vendosjes ose e rreshtimit të një grupi njerëzish të organizuar në një punë a në një veprimtari të caktuar; skemë. Formacion orkestral. Formacion pune. Formacioni i skuadrës. Hyj në formacion.
✱Sin.: rend, formim, rreshtim, skemë.

KOMPOZIM

KOMPOZÍM,~I m. sh. E, ~ET 1. spec. Krijimi a hartimi i një vepre letrare, artistike, muzikore etj.; të kompozuarit. Kompozimi i poemës (i simfonisë).
2. spec. Mënyra se si kompozohet diçka (një vepër, një këngë etj.).
3. spec. Ajo që kompozojmë; vepra a kënga e kompozuar. Dëgjova një kompozim të bukur orkestral (muz.). Kompozim skulpturor.
4. gjuh. Mënyrë fjalëformuese e bashkimit të dy a më shumë temave të fjalëve për të krijuar një fjalë e re. Tipat e kompozimit. Mbizotërimi i kompozimit në gjuhën letrare shqipe.
5. gjuh. Kompozitë, fjalë e përbërë. Kemi sot shumë kompozime të reja.
✱Sin.: kompozicion, të kompozuarit, kompozitë.

ORKESTRAL

ORKESTRÁL,~E mb., muz. Që ka të bëjë me orkestrën, që i përket orkestrës, i orkestrës; që është për orkestër. Grup orkestral. Drejtimi (shoqërimi) orkestral. Muzikë orkestrale. Vepër (pjesë) orkestrale.

ORKESTROR

ORKESTRÓR,~E mb., muz. Orkestral. Formacion orkestror. Rapsodia e konceptuar si gjini vokale dhe orkestrore.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë