Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
LINJËSÓJ vep., ~ÓVA, ~ÚAR kal. 1. I vendos, i rreshtoj ose i orientoj elementet në një vijë të drejtë. Linijësoj oraret e punës me ato të kolegëve. Inxhinieri linjësoi me kujdes dy pjesët e mekanizmit. Në dokument, ai linjësoi të gjithë titujt majtas për një paraqitje më të pastër.
2. fig. Harmonizoj qëndrime, mendime, plane për të arritur një objektiv të përbashkët. Drejtoria po përpiqet të linjësojë politikat e saj me rekomandimet e reja.
►ORIENT/ÓHEM jovep., ~ÓVA (u), ~ÚAR 1. vetv. Përcaktoj vendin ku ndodhem ose drejtimin që duhet të ndjek sipas anëve të horizontit a sipas shenjave të tjera në natyrë; kund. çorientohem. Orientohem në tokë (në det, në pyll). U orientuan sipas lindjes së diellit (sipas myshkut të bimëve).
2. vetv., vet. v. III. Merr drejtimin e vet, drejtohet; kund. çorientohet. Gjilpëra e busullës orientohet gjithnjë nga Veriu.
3. vetv. Di nga të shkoj kur jam në një vend; e gjej rrugën që më duhet; kund. çorientohem. Orientohem në errësirë. Nuk orientohet dot (mezi orientohet) në një qytet të panjohur.
4. fig., vetv. Përcaktoj se nga ç’hallka duhet të kapem në një punë a në një veprimtari, e di rrugën që duhet të ndjek; hyj në një çështje, i kuptoj rrethanat dhe gjej zgjidhjen e drejtë të diçkaje; kund. çorientohem. Orientohen mirë në punë. Orientohet edhe në rrethana të ngatërruara. Orientohet shpejt.
5. pës. e ORIENTOJ.
ORIENT/ÓJ vep., ~ÓVA, ~ÚAR kal. 1. I tregoj një njeriu vendin ku ndodhet ose në ç’drejtim duhet të shkojë; kund. çorientoj. E orientoj në tokë (në det).
2. I jap drejtimin e duhur një harte, një busulle ose një vegle tjetër sipas vendit ku ndodhet; kund. çorientoj. Orientoj hartën (busullën, telemetrin).
3. fig. I jap udhëzime a porosi dikujt, që t’i ketë si drejtim të përgjithshëm në një punë a në një veprimtari; i tregoj rrugën që duhet të ndjekë; i caktoj një organizate, një organi a institucioni detyrat themelore; kund. çorientoj. Orientoj lëvizjen. Orientoj njerëzit.
4. fig. E ndihmoj dikë për ta kuptuar një gjë, e bëj të hyjë në një çështje, të kuptojë përmbajtjen e diçkaje ose rrethanat në të cilat duhet të veprojë; kund. çorientoj. Orienton nxënësit në mësim. E orientuan në çështjet e politikës. E orientoi në studimin e dokumenteve (e autorëve të vjetër).
ÇORIENT/ÓJ vep., ~ÓVA, ~ÚAR kal. 1. I ngatërroj drejtimin nga duhet të shkojë, e fut në rrugë të gabuar dikë; kund. orientoj. E çorientoi në pyll. Përpiqesh ta çorientonte me ato lëvizje. Dritat gati e çorientuan pilotin. Sinjalistika e gabuar çorientoi udhëtarët.
2. I prish drejtimin e duhur një vegle që shënon drejtimin, i jap një drejtim tjetër të gabuar; kund. orientoj. Çorientoj hartën. Çorientoj busullën. Magneti afër e çorientoi radion.
3. fig. Ngatërroj dikë, e fus në rrugë të gabuar; mashtroj; kund. orientoj. Çorientojnë lëvizjen. Çorientojnë popullin (rininë). Dukuri që çorientojnë drejtimin ekonomik të ndërmarrjeve. Shpejtësia më çorienton edhe më tepër.
✱ Sin.: ngatërroj, mashtroj, shpërqendroj, çorodis, çorganizoj.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë