Fjalori

Rezultate në përkufizime për “oksiduar”

Mëso si ta përdorësh
<<< Kthehu te kërkimi kryesor në fjalor

NDRYSHKUR

NDRÝSHKUR (i, e) mb. 1. Që ka zënë ndryshk, që e ka mbuluar ndryshku; kund. i çndryshkur, i pandryshkur. Hekur i ndryshkur. Çelës i ndryshkur. Gozhdë të ndryshkura.
2. fig. Që është plakur, që ka humbur gjallërinë e shkathtësinë trupore a mendore, i dobësuar.
3. fig. Që përdor metoda të vjetruara; që ka mendime të vjetruara për kohën; i prapambetur, i mykur. Me mendje të ndryshkur. Metoda të ndryshkura. Mendime të ndryshkura. Zakone të ndryshkura. Propagandë e ndryshkur.
✱Sin.: i oksiduar, i zgjyrosur, i ndryshkët, i prapambetur, i mykur.
♦ *Armë e ndryshkur. *Gozhdë e ndryshkur keq. Me *mendje të ndryshkur keq.

OKSIDUAR

OKSIDÚAR (i, e) mb., kim. Që është oksiduar; që ka reaguar me oksigjenin dhe ka ndryshuar pamje (zakonisht ka ndryshuar ngjyrë, është zbehur, ose ka marrë një shtresë të ndryshkur); kund. i paoksiduar. Hekuri i oksiduar hekur që është ndryshkur (formon oksid hekuri). Bakër i oksiduar merr ngjyrë të gjelbër për shkak të oksidimit.

PAOKSIDUAR

PAOKSIDÚAR (i, e) mb. 1. Që nuk është i oksiduar; kund. i oksiduar. Pajisje të paoksiduara.
2. fig. Që nuk i vjetron koha, që nuk dëmtohen nga vitet etj. Poezia e paoksiduar e Lasgush Poradecit.

ÇOKSIDUAR

ÇOKSIDÚAR (i, e) mb. Që i është hequr shtresa e oksidit, që është çoksiduar; kund. i oksiduar. Tub bakri pa ngjitje të çoksiduar. Tela të çoksiduara.
✱ Sin.: i çndryshkët, i çndryshkur, i pastruar.

ÇOKSIDUESHËM

ÇOKSIDÚESH/ËM (i), ~ME (e) mb. Që mund t’i hiqet ndryshku a shtresa e oksiduar; që mund të çoksidohet; kund. i oksidueshëm. Metal i çoksidueshëm. Çeliku i çoksidueshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë