Fjalori

Rezultate në përkufizime për “ogurmirë”

Mëso si ta përdorësh
<<< Kthehu te kërkimi kryesor në fjalor

FATBARDHË

FATBÁRDHË mb. 1. Që ka shumë fat, që ka fat të bardhë; fatlumtur (për njerëzit); kund. fatzi. Grua fatbardhë.
2. Që vjen me diçka të mirë, që sjell mbarësi; kund. fatzi. Ditë fatbardhë.
✱Sin.: fatlum, fatlumtur, fatmirë, fatmadh, fatmbarë, ditëbardhë, orëmirë, orëbardhë, jetëbardhë, punëbardhë, lumëbardhë, ogurmirë, ogurbardhë, i bardhë, i bekuar.

FATLUM

FATLÚM,~E mb. 1. Që ka fat të mirë, që është me fat të bardhë, i lumtur (për njerëzit). Njeri fatlum.
2. Që sjell lumturi, që sjell të mira e gëzime; i lumtur. Martesë fatlume. Përjetoi një çast fatlum.
✱Sin.: i lumtur, fatbardhë, fatlumtur, fatmirë, fatmadh, fatmbarë, ditëbardhë, orëmirë, orëbardhë, jetëbardhë, punëbardhë, lumëbardhë, ogurmirë, ogurbardhë, i bardhë, i bekuar.

FATLUMTUR

FATLÚMTUR mb. Fatbardhë, fatlum. Familje fatlumtur.
✱Sin.: fatbardhë, fatlum, i lumtur, fatmirë, fatmadh, fatmbarë, ditëbardhë, orëmirë, orëbardhë, jetëbardhë, punëbardhë, lumëbardhë, ogurmirë, ogurbardhë, i bardhë, i bekuar.

NDESHËMIRË

NDESHËMÍRË mb. Ogurmirë.

NDJELLAMIRË

NDJELLAMÍRË mb. 1. Që ndjell gjithmonë të mirën; që parathotë ose që paralajmëron diçka të mirë, të mbarë (sipas besëtytnive e paragjykimeve); kund. ndjellakeq. Ndjenjë (fjalë) ndjellamirë. Njeri ndjellamirë. Shenjë ndjellamirë.
2. si em. Ai që ndjell gjithmonë të mirën; ai që parathotë ose që paralajmëron diçka të mirë, të mbarë.
✱Sin.: gojëmirë, gojëmbël, gojëmjaltë, ogurmirë, ogurmbarë.

OGURKEQ

OGURKÉQ,~E mb. 1. Që mendohet se ndjell a sjell prapësi; fatkeq; kund. ogurbardhë, ogurmirë. Njeri ogurkeq. Zog ogurkeq. Shenjë ogurkeqe. U bëri përshtypje diçka e çuditshme dhe ogurkeqe.
2. si em. m. e f. Sipas kuptimit të mbiemrit. Ogurkeqi nuk të sjell lajmin e mirë.

OGURLIG

OGURLÍG,~Ë mb. 1. Që është ogurkeq, që është ogurzi; kund. ogurbardhë, ogurmirë. Lajm ogurlig. Dilema ogurliga. Trajtë ogurligë dhe e ankthshme. Ishte folur në mënyrë të mjegullt për diçka ogurligë.
2. si em. m. e f. Sipas kuptimit të mbiemrit.

OGURMIRË

OGURMÍRË mb. 1. Ogurbardhë; kund. ogurkeq, ogurzi. Shpend ogurmirë. Vajzë ogurmirë. Ishte si një fillesë ogurmirë! Konotacion simbolik ogurmirë.
2. si em. m. e f. Sipas kuptimit të mbiemrit.

OGURZI

OGUR/ZÍ,~ZÉZË mb. 1. Që mendohet se ndjell a sjell prapësi; fatzi; kund. ogurbardhë, ogurmirë. Skenar ogurzi. Zë ogurzi. Urdhër ogurzi. Heshtje ogurzezë. Shenja (fjalë) ogurzeza.
2. si em. m. e f. Sipas kuptimit të mbiemrit. Ky ogurzi ishte ai që nuk besonte që në fillim.

SHENJËMIRË

SHENJËMÍRË,~A f. sh. ~A, ~AT Diçka ose ajo që është shenjë e mirë. Maratona kombëtare është shenjëmira e parë.
✱Sin.: fatbardhë, ndjellamirë, hijemirë, ogurbardhë, ogurmirë.

UGURSHËM

UGÚRSH/ËM (i), ~ME (e) mb. Që sjell mbarësi, ogurmirë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë