Fjalori

Rezultate në përkufizime për “ograjë”

Mëso si ta përdorësh
<<< Kthehu te kërkimi kryesor në fjalor

LIVADH

LIVÁDH,~I m. sh. ~E, ~ET Fushë a shesh i madh me bar, pa drurë e shkurre. Livadhet malore. Livadh me lule. Tërfili i livadheve (bot.). Trumcaku i livadheve (zool.). E la livadh. Kositin livadhet. Lëshoi bagëtinë në livadh. Kullotin në livadh.
✱Sin.: luadh, livadhishtë, pashtër, lëndinë, ograjë, çair, preri.
♦ U bë livadh (dikush) shih u bë tapë (dikush). E bën livadh (diçka) shih e bën fushë me lule (diçka). Ia bëj mendjen livadh (dikujt) shih ia bëj kokën (mendjen) dhallë (dikujt). E hëngra livadhin (çairin) mospërf. 1. E kalova pjesën më të madhe të jetës, u plaka; më ka ikur koha, më erdhi fundi, s’më mbetet të rroj më; e hëngra kullotën; e hëngra tagjinë; më perëndoi ylli. 2. Më gjeti ose do më gjejë së shpejti një e keqe e madhe, do ta pësoj keq, kaq e pata. Hyri në livadh të huaj (dikush) hyri në një punë që s’i takonte; preku të drejtat e një tjetri. E korr livadhin me *gërshërë (dikush). Thur livadhin e lë shtegun hapur (dikush) bën një punë, por s’e çon deri në fund; nuk i ka vlerë puna, se nuk e ka përfunduar; bën vegshin e s’i vë vjegën (vegjën).

RRETHE

RRÉTH/E,~JA f. sh. ~E, ~ET 1. Ograjë e rrethuar me mur të thatë. Rrethet e fshatit. E kulloste bagëtinë në rrethe.
2. Pjesë e dalë dhe me parmakë rreth katit të dytë të një shtëpie; çardak. U zgjua dhe doli në rrethe të shtëpisë.
3. Brezare. Punonte gjithë ditën në rrethe sipër fshatit.
✱Sin.: ograjë, livadh.

RRETHINË

RRETHÍN/Ë,~A f. sh. ~A, ~AT 1. vet. sh. Vendet rreth e rrotull një qyteti a një qendre tjetër të banuar, afërsitë. Rrethinat e qytetit (e fshatit). Rrethinat e shkollës. Shkonte nëpër rrethina. Banorët e rrethinave.
2. Rrip i ngushtë toke rreth e rrotull arës që mbetet i palëruar. Kullotin nëpër rrethina.
3. Ograjë e rrethuar me mur, me gardh. Futi bagëtinë në rrethinë.
✱Sin.: rreth, periferi, tërthore.

RRETHOGË

RRETHÓG/Ë,~A f. sh. ~A, ~AT Kullotë e rrethuar; rrethinë. Kulloste dhentë në rrethogë.
✱Sin.: rrethinë, ograjë.

UKRAJË

UKRÁJ/Ë,~A f., sh. ~A, ~AT Pyll i vogël me lëndina për kullotë, ograjë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë