Fjalori

Rezultate në përkufizime për “ofendohem”

Mëso si ta përdorësh
<<< Kthehu te kërkimi kryesor në fjalor

ATAKOHEM

►ATAK/ÓHEM jovep., ~ÓVA (u), ~ÚAR 1. vetv. Sulmohem, goditem, pësoj sulm ose atak nga dikush ose nga diçka.
2. pës. e ATAKÓJ. Atakohem nga kritika. U atakua nga infarkti. U atakua nga një hajn..
✱Sin.: sulmohem, goditem, kërcënohem, kanosem, ofendohem.

OFENDOHEM

►OFEND/ÓHEM jovep., ~ÓVA (u), ~ÚAR libr. 1. vetv. Fyhem. U ofendua shumë. Ofendohem shpejt kur më kritikojnë.
2. pës. e OFENDÓJ. Ofendohem nga bashkëpunëtorët e mi. Nuk ofendohem aspak nga kjo histori.

RËNDOHEM

►RËND/ÓHEM jovep., ~ÓVA (u), ~ÚAR 1. vetv. Ngarkohem me një peshë më të madhe; më rritet pesha përsipër më tepër; mbushem; kund. lehtësohem. U rëndua me shumë plaçka. Pemët rëndohen me kokrra. Pyjet (malet) rëndohen me dëborë. Është rënduar qerrja me gurë.
2. vetv. Bëhem më i rëndë nga të ngrënët a nga të ngjallurit; mezi lëviz ngaqë jam shëndoshur tepër, nga mosha etj., plogështohem. U rëndua nga të ngrënët tepër. Është rënduar në trup.
3. vetv., vet. v. III Bëhet më i rëndë; dendësohet, bëhet më i shpeshtë; ftohet, keqësohet, acarohet (për motin, stinët). Rëndohet vapa. U rëndua shiu. U rënduan retë. U rëndua dimri (moti).
4. vetv., vet. v. III Bëhet më i rëndë; vjen në një gjendje më të rëndë a më të vështirë; keqësohet, agravohet; më bëhet më i rëndë. Iu rëndua sëmundja. Iu rënduan fatkeqësitë. U rëndua gjendja.
5. vetv., vet. v. ІІI Më bëhet më i rëndë, e ndiej më të vështirë për ta mbajtur; nuk e bëj me dëshirë; më rëndet. I është rënduar puna. I është rënduar jeta. Iu rënduan vitet.
6. vetv. Marr përsipër një barrë më të rëndë nga sa duhet; më bien shpenzime të mëdha. U rënduan shumë ekonomikisht.
7. fig., vetv. I bëhem barrë dikujt, i rëndem. Nuk po të rëndohem sonte për darkë. T’u rëndova me hallet e mia.
8. fig., vetv. Kam një ndjenjë të rëndë, pikëllohem, hidhërohem, më vjen shumë keq. Rëndohem në zemër. Iu rëndua shpirti.
9. vetv. I flas me fjalë të rënda, e prek thellë në sedër, e fyej, e lëndoj. Iu rëndua me fjalë.
10. vetv. Më lënë veshët, humbas dëgjimin pak nga pak. Është rënduar ca nga veshët.
11. pës. e RËNDÓJ1-4.
✱Sin.: rëndësohem, keqësohem, plogështohem, lodhem, lëndohem, fyhem, ofendohem, vritem, vritem, acarohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë