Fjalori

Rezultate në përkufizime për “oborrësi”

Mëso si ta përdorësh
<<< Kthehu te kërkimi kryesor në fjalor

BUJARI

BUJARÍ,~A f. 1. Të qenët bujar e i pritur, vetia e njeriut dorëdhënë e zemërbardhë; zemërgjerësi, shpirtmadhësi, fisnikëri shpirtërore. Bujaria e shqiptarit. Pres me bujari. Gjest i lartë bujarie. Me bujari të madhe. Dallohej për bujarinë dhe shpirtin e mirë. Bujaria s’matet me kuletë. (fj. u.).
2. Të qenët i ndershëm dhe i drejtë. E shprehte bujarinë në çdo gjë.
3. hist. Shtresa e bujarëve; përmb. tërësia e bujarëve, bujarët, fisnikëria; parësia, shtresa më e lartë në një fis. Bujaria feudale. Bujaria e lartë. Bujaria e fisit. Shtresa e bujarisë.
✱Sin.: dorëdhënie, dorëgjerësi, çiltëri, mirëpritje, fisnikëri, shpirtlartësi, shpirtmadhësi, zemërgjerësi, zemërbardhësi, oborrësi, parësi, pari, aristokraci, kalorësi.

FISNIKËRI

FISNIKËRÍ,~A f. 1. Të qenët fisnik, zemërgjerë e i ndershëm, bujari. Sillej me fisnikëri të madhe.
2. përmb., hist. Shtresa më e lartë në shoqërinë feudale, aristokracia feudale; tërësia e fisnikëve; parësia, shtresa më e lartë e një fisi. Fisnikëria feudale.
3. vjet. Titull, me të cilin thirrej një fisnik me nderim. Fisnikëria juaj.
✱Sin.: bujari, fisëri, shpirtmadhësi, burrëri, kalorësi, parësi, pari, aristokraci, oborrësi.

OBORRTAR

OBORRTÁR,~I m. sh. ~Ë, ~ËT 1. Ai që bën pjesë në rrethin e ngushtë të njerëzve të një monarku, pjesëtar i rrethit të ngushtë të një monarku. Oborrtar i mbretit. Bijë oborrtari. Oborrtarët e perandorit. Mbretërit, princat dhe oborrtarët mizorë. Intrigat e oborrtarëve.
2. fig. Ai që sillet me oborrësi.

OBORRTARE

OBORRTÁR/E,~JA f. sh. ~E, ~ET 1. Ajo që bën pjesë në rrethin e ngushtë të njerëzve të një monarku, pjesëtare e rrethit të ngushtë të një monarku. Zonja e oborrit dhe të gjithë oborrtaret shkuan të shihnin ku ishte princesha. Oborrtare besnike.
2. fig. Ajo që sillet me oborrësi.

OBORRTARI

OBORRTARÍ,~A f. 1. përmb. Oborrtarët e mbretit a të perandorit.
2. fig. Sjellje e një oborrtari; oborrësi. Ideal i përsosmërisë estetike të oborrtarisë. Zgjedh oborrtarinë në vend të angazhimit kritik.

OBORRËSI

OBORRËSÍ,~A f. sh. ~, ~TË 1. Të qenët pjesëtar i rrethit të një monarku, të qenët në rrethin e ngushtë të mbretit a të perandorit. Titull oborrësie.
2. fig. Sjellje e hollë dhe fisnike e oborrtarëve; sjellje e mirë dhe e njerëzishme e dikujt. Oborrësi diplomatike. Sillej me oborrësi. E thirri për oborrësi.
✱ Sin.: oborrtari, mirësjellje, fisnikëri, bujari.

ZEMËRBARDHËSI

ZEMËRBARDHËSÍ,~A f. Të qenët zemërbardhë, vetia e njeriut zemërbardhë; bujari, shpirtbardhësi. Zemërbardhësia e malësorëve. Tërë qenia e saj rrezatonte zemërbardhësi. Të pret me zemërbardhësi. Do t’i ketë pëlqyer zemërbardhësia që tregove. Duke ruajtur si trashëgim zemërbardhësinë e tyre. Unë e kam çmuar gjithnjë zemërbardhësinë tuaj.
✱Sin.: shpirtmadhësi, zemërmirësi, dorëdhënie, bujari, fisnikëri, oborrësi, mirësi, ndershmëri, gjerësi, çiltëri.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë